بنگلور 29/اپریل (ایس او نیوز) ریاست کرناٹک میں  کورونا وائرس کے مریضوں کی تعداد میں  روز بروز اضافہ ہونے کا سلسلہ ہنوز جاری ہے اور آج بدھ کو مزید نو معاملات  کا پتہ چلا ہے جس میں آٹھ معاملات صرف  ایک ضلع کلبرگی سے ہے۔

نو تازہ معاملات سامنے آنے کے ساتھ ہی کرناٹک میں کورونا پوزیٹو کے معاملات  بڑھ کر 532 ہوگئے ہیں جس میں اب تک 20 لوگوں کی موت بھی واقع ہوچکی ہے جبکہ 215 کورونا مریض صحت یاب ہوکر اسپتالوں سے ڈسچارج بھی ہوچکے ہیں۔

آج کورونا کے جو معاملات سامنے آئے ہیں اُس میں ایک چار سالہ بچی بھی شامل ہے جبکہ چار دیگر خواتین کی رپورٹ بھی کورونا پوزیٹو آئے  ہیں۔ بتایا گیا ہے کہ نو معاملات میں 5  مریضوں کی عمر  17 سال سے بھی کم ہے۔ اس بات کی بھی خبر ملی ہے کہ تمام نو کورونا پوزیٹو  اُن لوگوں میں  پایا گیا ہے جو پہلے کورونا پوزیٹو کےرابطے میں تھے۔ان میں سے صرف ایک کیس ہوکّیری بلگام سے ہے جبکہ تمام دیگر آٹھ کیسس کلبرگی سے ہے۔