بہار: ٹرک اور بس کی خوفناک ٹکر میں 9 مہاجر مزدوروں کی موت، 12 زخمی
بھاگلپور،19؍مئی (ایس او نیوز؍ایجنسی) بہار کے بھاگلپور میں مزدوروں کو لے جا رہا ایک ٹرک این ایچ-31 نوگچھیا میں حادثہ کا شکار ہو گیا۔ نوگچھیا کے سرکل افسر مکیش کمار نے اس حادثہ کے تعلق سے بتایا کہ بس اور ٹرک کے درمیان ٹکر ہونے سے ٹرک پلٹ گیا اور اس خوفناک حادثہ میں 9 مزدوروں کی موت ہو گئی۔ خبروں کے مطابق کم از کم ایک درجن مہاجر مزدور اس حادثہ میں زخمی بھی ہوئے ہیں۔ مزدوروں کے آدھار کارڈ کے مطابق یہ لوگ چمپارن کے رہنے والے تھے۔
بہار کے بھاگلپور میں مزدوروں کو لے جا رہا ایک ٹرک این ایچ-31 نوگچھیا میں حادثہ کا شکار ہو گیا۔ نوگچھیا کے سرکل افسر مکیش کمار نے اس حادثہ کے تعلق سے بتایا کہ بس اور ٹرک کے درمیان ٹکر ہونے سے ٹرک پلٹ گیا اور اس خوفناک حادثہ میں 9 مزدوروں کی موت ہو گئی۔ خبروں کے مطابق کم از کم ایک درجن مہاجر مزدور اس حادثہ میں زخمی بھی ہوئے ہیں۔ مزدوروں کے آدھار کارڈ کے مطابق یہ لوگ چمپارن کے رہنے والے تھے۔
بتایا جاتا ہے کہ بہار کے ضلع بھاگلپور کے كھریک تھانہ علاقہ کے امبو موڑ کے پاس قومی شاہراہ -31 پر آج صبح ٹرک اور بس کے درمیان خوفناک ٹکر ہوئی۔ نوگچھیا کے سرکل افسر کا کہنا ہے کہ ٹرک پر سوار مہاجر مزدور کھگڑیا کی طرف جا رہے تھے، تبھی امبو موڑ کے قریب بس اور ٹرک میں ٹکر ہو گئی۔ اس حادثے کے بعد ٹرک پلٹ کر سڑک کنارے گڑھے میں جا گرا۔ انہوں نے بتایا کہ ٹرک میں لدے لوہے کے موٹے راڈ سے دب جانے سے مزدوروں کی موت واقع ہوگئی ہے۔
مکیش کمار نے مزید بتایا کہ بس پر سوار مزدور دربھنگہ سے بانکا جا رہے تھے۔ بس پر سوار 12 مزدور زخمی ہو گئے ہیں جنہیں نوگچھيا کے اسپتال میں داخل کرایا گیا ہے۔ انہوں نے بتایا کہ حادثہ کی اطلاع ملتے ہی انتظامیہ اور محکمہ پولس کے افسران موقع پر کیمپ کر رہے ہیں، امدادی کام جاری ہے۔