بینگلور کے قریب ٹمکور میں المناک سڑک حادثہ؛ ماں، باپ اور بیٹا سمیت 9 ہلاک، 15 زخمی

Source: S.O. News Service | Published on 26th August 2022, 12:14 AM | ریاستی خبریں |

ٹمکور، 25اگست :(ایس او نیوز) بینگلور سے 110 کلو میٹر دور ٹمکور کے شیرا تعلقہ میں نیشنل ہائی وے 4 پر جمعرات کی اولین ساعتوں میں ہوئے المناک سڑک حادثہ میں ماں، باپ اور بیٹا سمیت 9 افراد ہلاک ہوگئے جس میں تین خواتین اور دو بچے شامل ہیں جبکہ  حادثہ میں 15 دیگر شدید زخمی ہوئے ہیں جن میں دو کی حالت نازک بتائی گئی ہے۔

ذرائع سے ملی اطلاع کے مطابق  حادثہ صبح 4.30 بجے اس وقت پیش آیا جب ایک مسافر بردار کروزر کار کا ٹائر پھٹ جانے سے گاڑی الٹ کر ڈیوائڈر سے ٹکرا گئی اس دوران پیچھے سے آرہی ایک لاری بھی کروزر سے ٹکرا گئی جس سے غالباً کروزر سے باہر گرنے والے لوگ لاری کی زد میں آکر کچل گئے۔

ذرائع کے مطابق حادثے میں ہلاک ہونے والے افراد رائچور کے مختلف علاقوں سے یومیہ اجرت پر کام کرنے والے مزدور تھے اوریہ تمام بنگلورو میں کام کی تلاش کے لئے جا رہے تھے۔

ذرائع نے بتایا کہ اس گاڑی میں 12 لوگوں کے بیٹھنے کی گنجائش ہوتی ہے مگر اس پر 24 مزدور سوار تھے۔ سبھی لوگ بدھ دوپہر قریب ایک بجے رائچور سے نکلے تھے۔

بعض ذرائع کا کہنا ہے کہ کروزر گاڑی ہیریور میں چائے پینے کے لئے رکی تھی جس کے دوران ڈرائیور نے شراب پی لی تھی کیونکہ وہ گاڑی چلانے کے دوران بار بار اونگ رہا تھا اور اسٹئیرنگ پر اس کا ہاتھ بہک رہا تھا۔ اس بناء پر گاڑی بے قابو ہوکر ڈیوائیڈر سے ٹکرا گئی تھی، جیسے ہی گاڑی پلٹی، پیچھے سے لاری باہر گرے ہوئے لوگوں پر چڑھ گئی۔بتایا گیا ہے کہ سبھی نو لوگوں نے موقع پر ہی دم توڑ دیا۔ زخمیوں میں جن دو لوگوں کی حالت نازک بتائی گئی ہے انہیں نیشنل انسٹی ٹیوٹ آف مینٹل ہیلتھ اینڈ نیورولوجیکل سائنسز (نمہانس) بنگلورو ریفر کیا گیا ہے۔

ہلاک شدگان میں ضلع رائچور کے سریوار تعلقہ، کورکوند قصبہ کے ایک ہی خاندان کے پربھو (30)، اس کی اہلیہ سجاتا (25) اور ان کا تین سالہ لڑکا ونود جبکہ ان ہی کی رشتہ دار میناکشی شامل ہیں۔ان کے ساتھ ساتھ ڈرائیور کرشنپا  اور پچاس سالہ بسما بھی ہلاک ہوئے ہیں۔ مزید تین مرنے والوں کے نام معلوم نہ ہوسکے۔ 

ایک نظر اس پر بھی

منگلورو:کانگریس لیڈر رماناتھ رائے نے کہا؛ سی ٹی روی کے بیان نے بی جےپی کو ننگا کردیا ہے

بی جے پی میں راؤڈی شیٹر وں کی شمولیت کی حمایت میں سی ٹی روی نے جو بیان دیا ہے، اُس بیان نے بی جے پی کو ننگاکردیا ہے۔ ان خیالات کا اظہار  سابق وزیر  اور کے پی سی سی کے نائب صدر بی ، رماناتھ رائی  نے کیا۔

مہاراشٹر-کرناٹک سرحد تنازعہ میں شدت، بیلگاوی میں مہاراشٹر کے ٹرکوں پر پتھراؤ، حالات کشیدہ

کرناٹک اور مہاراشٹر کے درمیان جاری سرحد تنازعہ نے بیلگاوی علاقہ میں حالات کو کشیدہ کر دیا ہے۔ سرحدی علاقہ بیلگاوی میں تشدد کے واقعات پیش آ رہے ہیں اور منگل کے روز تو بیلگاوی کے باگیواڑی میں شدید احتجاجی مظاہرہ دیکھنے کو ملا۔ اس دوران کرناٹک رکشن ویدیکے سے جڑے کارکنان نے ...

’مہاراشٹر کے وزراء نے بیلگاوی میں قدم رکھا تو ہوگی قانونی کارروائی‘، کرناٹک کے وزیر اعلیٰ بسوراج بومئی نے کیا متنبہ

مہاراشٹر اور کرناٹک کے درمیان سرحدی تنازعہ کو لے کر بیان بازی لگاتار بڑھتی جا رہی ہے۔ تازہ بیان کرناٹک کے وزیر اعلیٰ بسوراج بومئی کا سامنے آیا ہے جس میں انھوں نے مہاراشٹر حکومت کو متنبہ کرتے ہوئے کہا ہے کہ اگر ان کے وزراء نے کرناٹک کے بیلگاوی میں قدم رکھنے کی کوشش کی تو ان کے ...

منڈیا : مالا دھاری بھکتوں نے لگائے سری رنگا پٹن جامع مسجد کو ہنومان مندر بنانے کے نعرے - مسجد میں گھسنے کی کوشش پولیس نے کر دی ناکام  

زعفرانی جھنڈے اٹھائے ہوئے ہزاروں  مالا دھاری ہنومان بھکتوں کا جلوس 'سیکیرتھنا یاترا' کی شکل میں ہنومان مندر کی طرف جاتے ہوئے جب تاریخی سری رنگا پٹن جامع مسجد کے سامنے پہنچا تو نوجوان بھکتوں نے اچانک اشتعال انگیزی شروع کر دی اور جامع مسجد کو ہنومان مندر میں بدلنے کے نعرے لگانے ...

مرکزی حکومت کی طرف سے دلت، پسماندہ اور اقلیتی طلباء کا اسکالرشپ ختم کیا جانا انہیں تعلیمی حقوق سے بتدریج محروم کرنے کی حکمت عملی ہے: ایس ڈ ی پی آئی

سوشیل ڈیموکریٹک پارٹی آف انڈیا کرناٹک کے ریاستی صدر عبدالمجید نے اپنے جاری کردہ اخباری بیان میں کہا ہے کہ مرکزی حکومت کی طرف سے تعلیمی سال 23۔2022سے ایس سی، ایس ٹی، پسماندہ طبقات، اور اقلیتی برادریوں سے تعلق رکھنے والے پہلی سے آٹھویں جماعت کے تمام طلباء کو کوئی اسکالرشپ ختم ...