دبئی میں بی پی ایل کرکٹ ٹورنامنٹ کا 15 مارچ سے ہوگا شاندار آغاز؛5جنوری سے ہوگا ٹیموں کا اندراج، وزٹ ویزا پردبئی میں موجود کھلاڑیوں کے لئے بھی سنہرا موقع

Source: S.O. News Service | By I.G. Bhatkali | Published on 1st January 2019, 9:43 PM | ساحلی خبریں | خلیجی خبریں | اسپورٹس | ان خبروں کو پڑھنا مت بھولئے |

دبئی یکم جنوری (ایس اونیو) دبئی میں بھٹکل پریمئیر لیگ  المعروف  بی پی ایل کرکٹ کا آٹھواں ٹورنامنٹ  مورخہ 15 مارچ 2019 ؁ سے شروع ہوگا، البتہ بی پی ایل کے لئے ٹیموں کا اندراج 5/ جنوری سے شروع کیا جائے گا جبکہ ٹیم کا نام درج کرنے کی آخری تاریخ  15 جنوری ہوگی۔ اس بات کی اطلاع  ٹورنامنٹ کے کمشنر    جوکاکوشمس الدین ضیاء نے دی۔

 پریس ریلیز جاری کرتے ہوئے ضیاء جوکاکو نے  کہا کہ بی پی ایل کا مقصد کرکٹ کے ذر یعے نوجوانوں کو جوڑنا ہے ۔ اس مرتبہ کھیل میں صرف چھ ٹیموں کو حصہ لینے کا موقع دیا جائے گا  جس میں سے  پچھلے بی پی ایل ٹورنامنٹ میں  سیمی فائنل تک پہنچنے والی چار ٹیموں میں سے   NGT اسٹرائکر،  ٹریک چارجرس اور KM وائریر تین  ٹیموں  نے اپنا   اندراج   کرایا ہے،  خیال رہے کہ بی پی ایل کی میٹنگ میں اس بات کا فیصلہ کیا گیا تھا کہ بی پی ایل کے آخری ٹورنامنٹ میں سیمی فائنل میں پہنچنے والی چار ٹیموں کو اولین موقع دیا جانا چاہئے۔

 ویسے تو دبئی میں تفریح کے لئے کافی جگہیں ہیں  لیکن بالخصوص نوجوانوں کے لئے  کرکٹ کا میدان سب سے پسندیدہ جگہ ہے اور کرکٹ میچس ہونے کی اطلاع ملتے ہی نوجوان ملک کے کونے کونے سے کرکٹ میچ دیکھنے کے لئے گراونڈ میں پہنچ جاتے ہیں۔

ریلیز کے مطابق  اس بار بھی  ٹورنامنٹ کو مفید اور کارآمد بنانے کے لئے  اراکین سے رائے مشورے لئے جارہے ہیں اور عوام کو بہترین تفریح فراہم کرنے کے لئے  بھی ہر ممکن کوشش کی جارہی ہے۔ بتایا گیا ہے کہ  اس مرتبہ بھی یہ ٹورنامنٹ عجمان میں واقع ایک عالمی سطح کے گراؤنڈ پر کھیلا جائے گا۔ٹورنامنٹ کے میچس گذشتہ ٹورنامنٹوں کی طرف ہفتے میں ایک دن یعنی صرف جمعہ کو ہوں گے۔ پہلا میچ  15مارچ کو  تو  اپریل 5 کو ٹورنامنٹ کا فائنل ہوگا۔یاد رہے کہ ہر جمعہ کو  تین تین میچس کھیلے جاتے ہیں۔

 اس مرتبہ ٹیموں کا  رجسٹریشن5  جنوری سے کیا جائے گا چونکہ تین ٹیموں کا اندراج کیا جاچکا ہے اس طرح اب  پہلے درج ہونے والی تین ٹیموں کو ٹورنامنٹ میں کھیلنے کا  موقع ملے گا ۔ کھلاڑیوں کے اندراج کے لئے 15 جنوری سے 31 جنوری تک کا وقت  دیا گیا ہے ۔ کھلاڑیوں کی بولی یعنی  اوکشن  مورخہ 8/ فروری کو ٹوین ٹاور میں کیا جائے گا۔  

چونکہ  کھلاڑیوں کی تعداد زیادہ ہیں اور ٹورنامنٹ میں صرف  چھ ٹیموں کو ہی موقع دیا جارہا ہے ، اس بنا پر کھلاڑیوں کا انتخاب یعنی اوکشن بہت زیادہ دلچسپ ہونے کی توقع ہے اور ٹیموں میں مضبوط کھلاڑیوں کا ہی انتخاب ہونا طئے ہے۔

بی پی ایل کی  گوررننگ کونسل اس مرتبہ بھی زائد اخراجات پرقابو پانے اور فضول خرچی سےباز رہنے   اور دوسروں کو بھی باز رکھنے پر  پوری طرح  کوشش  کررہی ہے۔ اس تعلق سے ٹیموں کو بھی غیر ضروری اخراجات  سے باز رکھنے  کی ہدایات  دی گئی ہیں۔

 اس مرتبہ وزٹ ویزا پر عرب امارات میں موجود کھلاڑیوں کو بھی کھیلنے کا موقع دیا جائے گا البتہ فی ٹیم  صرف  ایک وزیٹر  کھلاڑی کو لینے کی  گنجائش ہوگی۔ بی پی ایل کمشنر نے واضح کیا ہے کہ وزٹ ویزا پر موجود  کھلاڑیوں کو رجسٹریشن کے وقت اس بات کا عہد کرنا ہوگا کہ وہ کسی بھی  ٹیم میں  منتخب کئے  جانے کی صورت میں وہ پوری ٹورنامنٹ میں حصہ لے گا۔کمشنر نے یہ بھی کہا ہے کہ جس طرح ٹیموں میں بھٹکل، مرڈیشور اور منکی کے کھلاڑی حصہ لے سکیں گے، اسی طرح  وزٹ ویزا پرحصہ لینے والے کھلاڑیوں  کا تعلق بھی ان ہی  علاقوں سے  ہونا ضروری ہے۔

پریس ریلیز میں کہا گیا ہے کہ  ٹیم کے رجسٹریشن کے لئے  [email protected] پر ای میل روانہ کریں  اور کھلاڑیوں کے رجسٹریشن کے لئے www.bpluae.net پر اپنی تفصیلات  جمع کرائیں۔  دیگر تفصیلات کیلئے جناب عبدالباسط صوبیدار 6095100 050‘ یا عبدالستار لنکا سے 5516985 055 رابطہ کیا جاسکتا ہے۔ 

ایک نظر اس پر بھی

بھٹکل تعلقہ شرالی اور بیلکے میں 23اور26ستمبر کو پی یوکالج طلبا کے ضلعی سطح کے کھیل مقابلوں کا انعقاد

اترکنڑا ضلع محکمہ تعلیمات عامہ اور پرنسپالس اینڈ لکچررس اسوسی ایشن بھٹکل تعلقہ کے اشتراک سے اترکنڑا ضلع پی یوکالج کے ضلع لیول کھیل مقابلے شرالی کے جنتا ودیالیا اور سرکاری ہائی اسکول بیلکے میں بالترتیب 23اور 26ستمبر2019کو منعقد ہونگے۔

بھٹکل مسلم جماعت بحرین کے انتخابات کے بعد نئے عہدیداران کا انتخاب؛ اسحاق پلور صدر اور سرفراز محتشم جنرل سکریٹری منتخب

گذشتہ روز ہوئے عام انتخابات کے بعد  بھٹکل مسلم جماعت بحرین کے لئے نئے عہدیداران کا انتخاب عمل میں آیا ہے جس میں متفقہ طور پر  جناب محمد اسحاق پلور صدر اور جناب  سرفراز احمد محتشم  جماعت کے نئے جنرل سکریٹری منتخب ہوئے۔

بھٹکل مسلم جماعت بحرین کا سالانہ جلسہ اور عام انتخابات؛ بیلٹ پیپر کے ذریعے 12 اراکین منتخب؛ پیر کو ہوگا عہدیداران کا انتخاب

بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض ...

دبئی : متحدہ عرب امارات میں انسانوں کواسمگل کرنے کی کوشش ناکام۔ ٹرک کے خفیہ خانے سے برآمد ہوئے 18افراد

گلف نیوز میں شائع ایک رپورٹ کے مطابق ابوظہبی پولیس اور کسٹمز نے ایک مصدقہ اطلاع پر کارروائی کرتے ہوئے ختم الشکلا سرحد سے غیر قانونی طور پر ٹرک کے اندر 18افراد کو چھپاکر لانے اور متحدہ عرب امارات میں داخل کروانے کی کوشش کوناکام کردیا ہے۔

مکہ مکرمہ کو ”اسمارٹ سٹی“ بنانے کا منصوبہ، عازمین حج وعمرہ کو سہولتیں فراہم کرنے کا مقصد، جاپانی کمپنی خدمات حاصل

سعودی عرب کی حکومت نے مکہ معظمہ کو ”اسمارٹ سٹی“ بنانے کا فیصلہ پر باقاعدہ کام کا آغاز کردیا ہے۔ کچھ دن قبل مکہ معظمہ کے گورنر اور خادم الحرمین الشریفین شاہ سلمان بن عبدالعزیز کے مشیر شہزادہ خالد الفیصل نے مکہ معظمہ کو اسمارٹ سٹی بنانے کا اعلان کیا تھا۔

متحدہ عرب امارات نے وزیر اعظم مودی کو اعلی ترین شہری اعزاز سے سرفراز کیا ۔ دنیا بھر میں یو اے ای کے اقدام کی مذمت

متحدہ عرب امارات نے ہندوستان کے وزیر اعظم نریندر مودی کو اپنے اعلی ترین شہری اعزاز سے سرفراز کردیاہے ۔ متحدہ عرب امارات نے چند دنوں قبل اعلان کیاتھا کہ وہ ہندوستان کے وزیر اعظم نریندر مودی کو اپنا اعلی ترین سول ایوارڈ دیں گے ۔

ایشز سیریز: پانچویں ٹیسٹ میچ انگلینڈ نےآسٹریلیا کو 135 رنز سے شکست دی، سیریز 2-2 سے برابر

اوول میں کھیلے گئے آسٹریلیا اور انگلینڈ کے درمیان پانچویں ٹیسٹ میچ کے چوتھے روز آسٹریلیا کی ٹیم دوسری اننگ میں 263 رنز بنا کر آؤٹ ہو گئی۔ یوں انگلینڈ نے یہ ٹیسٹ 135 رنز سے جیت کر ایشز سیریز 2-2 سے برابر کر دی ہے۔