دہلی میں کورونا مریضوں کی تعداد 83 ہزار سے تجاوز ، کنٹیمنٹ زون کی تعداد 417

Source: S.O. News Service | Published on 29th June 2020, 2:45 PM | ملکی خبریں |

نئی دہلی،29؍جون(ایس او نیوز؍ایجنسی) دارالحکومت میں کورونا انفیکشن کا قہر مسلسل بڑھتا جارہا ہے۔کل 2889 نئے معاملوں کے ساتھ متاثرہ افراد کی تعداد 83 ہزار سے تجاوز کرگئی۔ اموات کی تعداد 65 کے ساتھ بڑھ کر 2623 ہوگئی جب کہ انفیکشن پر قابو پانے کی مہم کے تحت ممنوعہ علاقوں (کنٹیمنٹ زون) کی تعداد 400 سے تجاوز کر گئی۔

دہلی کے لئے اتوار کے روز راحت کی بات یہ ہے کہ مسلسل دوسرے دن بھی، نئے مریضوں کی یومیہ تعداد تین ہزار سے نیچے رہی ہے۔ دہلی میں 23 جون کو سب سے زیادہ 3947 و یومیہ معاملے رپورٹ ہوئے تھے۔

دہلی کی وزارت صحت کی طرف سے آج جاری کردہ اعداد و شمار کے مطابق، 2889 نئے معاملات کے ساتھ متاثرہ افراد کی کل تعداد 83 ہزار 77 تک جا پہنچی ہے۔ اس عرصے کے دوران، 65 اموات کے ساتھ مجموعی طور پر مرنے والوں کی تعداد 2623 ہوگئی۔

دہلی کے لئے پچھلے 24 گھنٹوں میں بھی راحت کی بات یہ ہے کہ اس عرصے کے دوران 3306 سے زیادہ مریض ٹھیک ہوگئے تھے اور اب تک 52607 متاثرین کورونا کو شکست دے کر صحت مند ہوچکے ہیں۔ آج فعال معاملات کی تعداد 27847 ہے۔

کورونا جانچ میں گذشتہ کچھ دنوں میں آنے والی تیزی سے کل جانچ کی تعداد 498426 کے ریکارڈ تک پہنچ گئی۔ پچھلے 24 گھنٹوں کے دوران، دہلی میں 20080 ٹسٹ کئے گئے، جبکہ جمعہ کے دن، ایک ہی دن میں سب سے زیادہ کورونا جانچ کی گئیں۔ دہلی میں دس لاکھ آبادی پر ہونے والی جانچ کی اوسطا 26233 ہوگئی ہے۔ کنٹینمنٹ زون کی تعداد ایک سو سے زائد بڑھ کر 315 سے 427 ہوگئی۔

دہلی میں کورونا کے کل بیڈ 13411 ہیں جن میں سے 6014 مریض ہیں جبکہ 7397 خالی ہیں۔ ہوم آئسولیشن میں 17148 مریض ہیں۔

ایک نظر اس پر بھی

قندھار ہائیجیک کیس: ممبئی عدالت نے 19 ملزموں کو بری کردیا

 ممبئی سیشن عدالت نے،دسمبر 1999 میں نیپال کے دارالحکومت کھٹمنڈو سے دہلی جانے والے انڈین ایئرلائن   IC 814  کے طیارے کو اغوا  کرنے کے سلسلے میں ایک مقدمہ میں عبد اللطیف آدم مومن سمیت 19 افراد کو رہا کرنے کے لئے نچلی عدالت کے فیصلے کو برقرار رکھا ہے۔

راجستھان بحران : سچن پائلٹ کا 23 ممبران اسمبلی کی حمایت کا دعوی ، بی جے پی سے کیا رابطہ : رپورٹ

مدھیہ پردیش کے بعد اب راجستھان میں بھی کانگریس کی مشکلات بڑھ سکتی ہیں ۔ کہا جا رہا ہے کہ ایک مرتبہ پھر سے نائب وزیر اعلی سچن پائلٹ اور وزیر اعلی اشوک گہلوت کے درمیان تلواریں کھینچ گئی ہیں ۔

امیتابھ-ابھیشیک کے بعد ایشوریہ اور بیٹی ارادھیہ بھی کورونا سے متاثر

ملک میں لگاتار پھیل رہے کرونا وائرس کی زد میں اب بالی وڈ بھی آ چکا ہے۔ ہفتہ کی رات امیتابھ بچن اور ان کے بیٹے ابھیشیک بچن کے کورونا پازیٹو پائے جانے کے بعد لوگ ان کے خاندان کے تئیں فکرمندی کا اظہار کر رہے ہیں۔