بنگلورو کے ترقیاتی کاموں کی نگرانی کیلئے8ٹاسک فورس قائم کرنے کا فیصلہ:   وزیر اعلیٰ  بسواراج بومئی

Source: S.O. News Service | Published on 21st May 2022, 12:39 PM | ریاستی خبریں |

بنگلورو، 21؍مئی (ایس او نیوز؍ایجنسی)  وزیر اعلیٰ  بسواراج بومئی نے کہا کہ بنگلورو میں ترقیاتی کاموں کی نگرانی اور شدید بارش جیسی کسی بھی ہنگامی صورت حال میں درکار فیصلے لینے کے لیے شہر کے تمام آٹھ زونس میں وزیر کی قیادت میں ٹاسک فورس تشکیل دی جائے گی۔ چیف منسٹر نے ارکا ن اسمبلی اور وزراء کے ہمراہ جمعہ کو شہر کے بارش سے متاثرہ آر پورم، راما مورتی نگر اور اطراف و اکناف کے علاقوں کا دورہ کرکے صورت حال کا جائزہ لیا اور ضروری ہدایات دیں۔

 منگل کی رات اور اس کے بعد وقفہ وقفہ سے شدید بارش کی وجہ سے شہر کے کئی مکانات زیرآب آگئے۔بومئی نے کہا کہ ہر زون کے لیے (بروہت بنگلورو مہانگر پالیکے کے تحت) ہم ٹاسک فورس قائم کررہے ہیں جس کی قیادت وزیر کریں گے جبکہ ارکان اسمبلی، ارکان کونسل اور ارکان پارلیمنٹ اس کے ارکان ہوں گے۔

 ان ٹاسک فورسس میں انجینئرس اور جوائنٹ کمشنران بھی موجود ہوں گے۔“ یہاں صحافیوں سے بات کرتے ہوئے انہوں نے کہا کہ وہ ترقیاتی کاموں کی نگرانی کریں گے اور شدید بارش اور سیلاب کی وجہ سے پیدا ہونے والی کسی بھی ہنگامی صورت حال کی صورت میں انہیں فیصلے کا اختیار ہوگا۔“ انہوں نے کہا کہ لہٰذا شہر کے آٹھ زونس کے لیے آج سے 8ٹاسک فورس قائم کی جائے گی اور ان کے ماتحت سبھی کام ہوں گے۔

 ہم نے یہ اہم فیصلہ کیا ہے۔“ دریں اثناء سنجیدہ نوٹ لیتے ہوئے چیف نسٹر نے بنگلورو ڈیولپمنٹ اتھارٹی (بی ڈی اے) کے کمشنر کو جھیل کی اراضی کے استعمال کی تبدیلی کا اعلامیہ فوری منسوخ کرنے کی ہدایت دی۔ انہوں نے مفاد عامہ کے خلاف اس طرح کا اعلامیہ جاری کرنے کے ذمہ دار عہدیداروں کے خلاف کارروائی کرنے کی بھی ہدایت دی جس کے بعد بی ڈی اے کمشنر نے منسوخی احکام جاری کیے اور اب خاطی عہدیداروں کے خلاف کارروائی ہوگی۔

“ بومئی نے اس معاملے پر تبصرہ کرتے ہوئے کہا کہ ”انہوں نے (عہدیداروں) کہا کہ نقشہ کاری کی غلطی تھی۔ میں نے اسے قبول نہیں کیا۔یہ سب بکواس ہے لہٰذا ہم نے اعلامیہ منسوخ کردیا اور نوٹیفائڈ جھیل علاقہ میں کسی بھی لے آؤٹ کو اجازت دینے کا سوال ہی  پیدا نہیں ہوتا۔

ایک نظر اس پر بھی

بنگلور میں کانگریس لیڈر ضمیراحمد خان کے مکان اور دفتر پر اے سی بی کے دھاوے؛ کانگریس نے کہا؛ سب انسپکٹرس بھرتی اسکیم سے عوام کی توجہ ہٹانے کی کوشش

کرناٹک اینٹی کرپشن بیوروکے عہدیداروں نے منگل کے دن غیرمتناسب اثاثوں کی انفورسمنٹ ڈائرکٹوریٹ(ای ڈی) رپورٹ پر کانگریس رکن اسمبلی بی زیڈ ضمیر احمد خان کے 5 مقامات پر بہ یک وقت دھاوے کئے۔

بھٹکل: ساحلی کرناٹکا کے علاوہ دیگر 6 اضلاع میں بھی موسلا دھار بارش  -طالبہ سمیت 2 ہلاک ۔ ندیاں پار کر گئیں خطرے کا نشان ؛ کاروار کے قریب انموڈ گھاٹ پر چٹان کھسک گئی

ریاست کے ساحلی علاقہ کے شمالی کینرا، اُڈپی اور  جنوبی کینرا کے علاوہ کوڈاگو، چکمگلورو اور شیموگہ جیسے اضلاع  زبردست بارش کی زد میں آ گئے ہیں ۔  جس کے نتیجے میں کئی علاقوں سے نقصانات کی خبریں بھی موصول ہورہی ہیں، جبکہ  بارش کے نتیجے میں اب تک  دو لوگوں کی موت واقع ہوئی ہے۔

کولار میں شانِ رسالتؐ میں گستاخی اور قرآن شریف کی بے حرمتی کے واقعے پر بھٹکل تنظیم کی سخت مذمت؛ خاطیوں کے خلاف سخت کاروائی کا مطالبہ

کولار میں  جمعہ کے روز اُدے پور واقعے  کو لے کر منعقدہ  احتجاج  میں  ہندو تنظیموں کی طرف سے  پھر  ایک بار شان رسالتؐ میں گستاخی اور قرآن شریف کی کھلے عام بے حرمتی کا معاملہ سامنے آنے پر مجلس اصلاح و تنظیم بھٹکل نے سخت تشویش کا اظہار کیا ہے اور نوپور شرما  کی حمایت کرتے ہوئے  کی ...