کرونا وائرس: یو اے ای میں 706 نئے کیسوں اور 4 اموات کی تصدیق

Source: S.O. News Service | Published on 17th May 2020, 2:31 PM | خلیجی خبریں |

دبئی،17؍مئی (ایس او نیوز؍ایجنسی) متحدہ عرب امارات نے ہفتے کے روز کرونا وائرس کے 796 نئے کیسوں اور 4 اموات کی تصدیق کی ہے جبکہ اس مہلک وبا کا شکار مزید 603 مریض صحت یاب ہوگئے ہیں۔

یو اے ای کی وزارت صحت کے مطابق ملک میں اب کووِڈ-19 کے کل کیسوں کی تعداد 22627 ہوگئی ہے اور ان میں سے 214 کی اموات ہوچکی ہیں جبکہ 7931 مریض صحت یاب ہوچکے ہیں۔

دریں اثناء یو اے ای حکومت کی ترجمان ڈاکٹر آمنہ الضحاک الشمسی نے عوام پر زوردیا ہے کہ وہ آیندہ عیدالفطر کے موقع پر عوامی اجتماعات اور آپس میں گھلنے ملنے سے گریز کریں۔

انھوں نے کہا کہ '' عید سماجی تقریبات اور اجتماعات کا ایک موقع ہوتی ہے،ہم تمام خاندانوں کو یہ تجویز کرتے ہیں کہ وہ اس مرتبہ ان عادات سے گریز کریں۔''

انھوں نے کہا:'' تصور کریں کسی خاندان کا ایک فرد کرونا وائرس کا شکار ہوجاتا ہے کیونکہ اس نے بغیر جانے بوجھے ایک اور متاثرہ شخص سے ملاقات کی تھی۔اس میں کوئی علامات ظاہر نہیں ہوئی تھیں۔پھر وہ اپنے دادا سے ، بچوں سے اور خاندان کے دوسرے افراد سے ملتا ہے۔وہ حفاظتی احتیاطی تدابیر اختیار کیے بغیر ان کے ساتھ دن گزارتا ہے تو اس طرح اس کے خاندان کے دوسرے افراد بھی کرونا وائرس کا شکار ہوسکتے ہیں۔''

ترجمان نے اپنی بات جاری رکھتے ہوئے کرونا وائرس کے پھیلنے کی مزید وضاحت کی ہے۔ ان کا کہنا ہے کہ '' دن کے اختتام پر خاندان کا ہر فرد اس شخص کے گھر میں جائے گا۔وہ یہ نہیں جانتے ہوں گے کہ یہ شخص وبا سے متاثر ہوچکا ہے۔یہ بھی ممکن ہے کہ کوئی ان میں سے اس کے دوستوں کے پاس سے گزرے اور ان سے ہیلو ہائے کرے۔ پھر ان میں کوئی شخص عیدالفطر کی چھٹیوں کے بعد کام پر چلا جائے۔اس طرح تب تک 40 کیس 100 سے زیادہ کیس بن چکے ہوں گے۔ان خاندانوں کے افراد آگے مزید افراد کو متاثر کریں گے اور یوں سیکڑوں کیس ہزاروں میں تبدیل ہوجائیں گے۔''

الشمسی کا کہنا ہے کہ ''یہ تو ایک منظرنامہ ہے اور اسی میں دائمی امراض کا شکار افراد اور خاندان کے ضعیف العمر افراد میں کرنا کی علامات خطرناک صورت اختیار کرسکتی ہیں۔اس کی سادہ سی وجہ یہ ہوگی کہ ان لوگوں نے حفاظتی احتیاطی تدابیر اختیار نہیں کی ہوں گی اور کرونا وائرس کو پھیلنے سے روکنے کے لیے بنیادی اصول کو اہمیت نہیں دی ہوگی اور وہ سماجی فاصلہ اختیار کرنا اور اجتماعات میں شرکت سے گریز ہے۔''

ایک نظر اس پر بھی

سعودی عرب نے پرائیویٹ ملازمین کو 2 سال تک نصف تنخواہ کی ادائیگی کا کیا اعلان

دنیا بھر میں کورونا وائرس کے پیش نظر حکومتوں نے عوام، مزدوروں اور ملازمین کو ریلیف فراہم کرنے کے اعلانات کر رکھے ہیں اور اس سلسلہ میں متعدد ممالک کی حکومتوں نے ملازمین کو خصوصی ریلیف فراہم کرنے کے انتظامات بھی کئے ہیں۔

دبئی سے مینگلور جانے کے لئے350 سے زائد درخواستیں موصول،کن کن کو کریں روانہ ؟ ذمہ داران کے سامنے اہم سوال

چارٹرڈ فلائٹ پر دبئی میں پھنسے بھٹکل اور اطراف کے لوگوں کو مینگلور روانہ کرنے کے تعلق سے سینکڑوں  لوگوں کے رابطہ کرنے پر دبئی میں موجود بھٹکل کے ذمہ داران سوچ میں پڑ گئے ہیں کہ اتنی بڑی تعداد میں لوگ دبئی لاک ڈاون میں پھنسے ہیں تو اُنہیں انڈیا روانہ کرنے کے لئے کس طرح کے ...

کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس ...