7سال قبل ٹرافک قوانین کی خلاف ورزی، محکمہ ٹرانسپورٹ کے افسران نے بی ایم ٹی سی سے12ہزار روپئے کا جرمانہ وصول کیا
بنگلورو،10؍ستمبر(ایس او نیوز) محکمہ ٹرانسپورٹ کے افسران نے سگنل جمپ کرتے ہوئے ٹرافک قوانین کی خلاف ورزی کرنے پر بنگلور میٹرو پالیٹن ٹرانسپورٹ کارپوریشن(بی ایم ٹی سی) بس پر12,200روپیوں کا جرمانہ لگا یا ہے۔7سال قبل KA-01 F8999نمبر بس پر اب تک کا سب سے زیادہ جرمانہ لگا یا گیا ہے۔مزکورہ بس ڈپو نمبر45میں رہتی ہے،30جون 2021کو اس بس کی ایف سی کے لئے آر ٹی او دفتر لے جانے پر اس بس نے سگنل جمپ کرنے کے علاوہ ٹرافک قوانین کے خلاف ورزی کر نے کا پتہ لگا۔ٹرافک پو لیس نے یہ جرمانہ محکمہ ٹرانسپورٹ سے وصول کیا تھا،جس کے بعد محکمہ ٹرانسپورٹ کے افسران نے بی ایم ٹی سی سے مزکورہ جرمانہ وصول کیا۔مزکورہ بس16مارچ2018کو ڈپو نمبر26سے ڈپو نمبر45کو منتقل کی گئی تھی۔بتا یا جا تا ہے کہ21ستمبر2014کو مزکورہ بس کی باڈی فٹنس کی جانچ کی گئی اس وقت پتہ چلا کہ مذکورہ بس کے پرمیٹ کی تاریخ بھی ختم ہو چکی تھی،اس کے علاوہ بس10لاکھ کلو میٹر سے زائدمضافات طے کر چکی تھی۔ بی ایم ٹی سی میں یہ قانون ہے کہ 10لاکھ کلو میٹر سے زیادہ سفر کر چکی بسوں کو گجری میں ڈال دیا جاتا ہے۔ اس بس نے ٹرافک قوانین کے خلاف ورزی کر نے پر یہ جرمانہ بس کے ڈرائیور وینکٹپا سے وصول کرنے کا فیصلہ کیا گیا،جس کے بعد بی ایم ٹی سی افسران ڈرائیور وینکٹپا کو تلاش کرتے ہو ئے اس کے گھر پہنچے،لیکن وہاں پہنچنے پر افسران کو مایوسی کا سامنا کر نا پڑا اور خود کچھ روپئے وینکٹپا کے خاندان کو ادا کر کے لوٹنا پڑا،کیونکہ وینکٹپا کی موت ہو چکی تھی۔ جس کے بعد اس جرمانہ کی رقم بس کے کنڈکٹر لکشمن سے وصول کرنے کا فیصلہ کے کر اس کی تنخواہ میں سے رقم کاٹی جا رہی ہے-