بیدر سے ایودھیا جانے والی گاڑی کی ٹرک سے ٹکر ، آٹھ ہلاک ، کئی دیگر شدید زخمی

Source: S.O. News Service | Published on 30th May 2022, 2:34 PM | ریاستی خبریں | ملکی خبریں |

بیدر، 30؍ مئی (ایس او نیوز؍ایجنسی) اتر پردیش کے بہرائچ ضلع میں ایک ٹمپو ٹریولر (منی بس  اور کنٹینر کے درمیان  ہوئے تصادم میں بیدر کے سات افراد سمیت آٹھ لوگوں کی موت  واقع ہو گئی۔ مرنے والوں میں تین خواتین بھی شامل ہیں۔ جب کہ حادثے میں 9 مسافر شدید زخمی ہوگئے ہیں اور انہیں  بہرائچ کے مہاراجہ سہیل دیو میڈیکل کالج میں داخل کرایا گیا  ہے۔

 تمام مسافر کرناٹک کے بیدر ضلع سے اتراکھنڈ  کے کیدار ناتھ   ہوکر   ایودھیا  کے راستے بنار س جارہے تھے ۔ یہ  حادثہ موتی پور تھانہ علاقہ کے تحت بہرائچ۔  لکھیم  پور قومی شاہراہ پر نینیہا  منڈی کے قریب سنیچر  کو پیش آیا۔ جہاں مسافروں سے بھرا  ایک ٹیمپو ٹریولر سامنے سے آنے والے کنٹینر  سے ٹکرا کر حادثے کا شکار ہو گیا۔ جس میں 3 خواتین سمیت آٹھ  مسافروں کی  موت ہوگئی، جب کہ    دیگر لوگ  شدید زخمی ہوگئے۔

بتایا گیا ہے کہ  اعلی پولیس افسران کی موجودگی میں راہگیروں کی مدد سے مسافروں  کو کنٹینر سے الگ کرایاگیا۔ ساتھ ہی زخمیوں کو فوری طور پر مقامی سی ایچ سی موتی پور پہنچایا گیا ۔  بعد میں انہیں ضلع کے مہاراجہ سہیل دیو میڈیکل کالج میں داخل کرایا گیا، جہاں 4  زخمیوں کی حالت اب بھی نازک  بنی ہوئی ہے۔

ضلع کے ڈی ایم دنیش چندر سنگھ اور ایس پی کیشو کمار چودھری نے اسپتال میں داخل زخمیوں کے جلد علاج کی ہدایات   دی ہیں۔ یہ بھی  بتایا یا کہ تمام مسافر کرناٹک کے بیدر ضلع کے رہنے والے تھے جو سفر پر گئے تھے اور انہیں ایودھیا پہنچنا تھا۔ ضلعی انتظامیہ نے شدید زخمیوں کے نام جاری کر دیے ہیں اور مدد کے لیے رابطہ نمبر بھی فراہم کیے ہیں، تاکہ گھر کے لوگ متاثرین کے اہل  خانہ تک پہنچ کر ان سے متعلق معلومات حاصل کر سکیں۔

مرنے والوں میں شیوکمار پجاری (28) کاتعلق کلبرگی سے  بتایا گیا ہے جبکہ دیگر سات(1)   جگ دیوی   چوانی (52 سال) ، (2)  ،  منمت  ماروتی (36 سال) ، (3)   انل وجئے کمار (30 سال)،(4)  ششی کلا  راجکمار (38 سال) ، (5) سر سو سوتی   جگن ناتھ (47 سال) (6) شیوانی انل (25 سال)، (7) سنتوش کاشی ناتھ کا تعلق بیدر سے ہے۔

پتہ چلا ہے کہ  کرناٹک کے وزیراعلیٰ بومائی نے اُترپردیش کے وزیر اعلیٰ سے بات چیت کی ہے جس کے بعد اُترپردیش حکومت کی طرف سے تمام مہلوکین کو بذریعہ فلائٹ حیدرآباد روانہ کیا جارہا ہے، جہاں  سے  تمام نعشوں کو بیدر  لے جانے کے لئے سواریوں کا انتظام کیا جائے گا۔ بتایا گیا ہے کہ اس تعلق سے بیدر کے اسسٹنٹ کمشنر  نعیم محسن اُترپردیش کے آفسران کے ساتھ رابطے میں ہے۔

ایک نظر اس پر بھی

بنگلور: بی جے پی کو کانگریس کا جواب؛ یوم آزادی کے موقع پر کانگریس کی طرف سے قومی پرچم، کیپ اور ٹی شرٹ بالکل مفت دینے کا اعلان

حکمراں بی جے پی کو کرارا جواب دیتے ہوئے آج  کرناٹک کانگریس کی طرف سے اعلان کیا گیا ہے کہ   یوم آزادی کی 75 ویں سالگرہ کے موقع پر 15 اگست کو  بنگلور کے سنگولی رائینا سرکل سے بسونگڈی  تک فریڈم مارچ نکالا جائے گا اور  اس مارچ میں شرکت کے لئے نام درج کروانے والوں کو  قومی پرچم، ایک ...

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...

سیلاب متاثرین کے معاوضہ کیلئے 300 کروڑ روپئے جاری: آر اشوک

ریاست میں بی جے پی کی سوپر سرکار ہے، کانگریس پارٹی کی طرف سے لگایاجارہاالزام ”سیلاب متاثرین کیلئے معاوضہ فراہم کرنے ریاستی حکومت کے پاس رقم نہیں ہے“بالکل جھوٹا اور بے بنیادہے،سیلاب متاثرین کیلئے مرحلہ وار معاوضہ دئے جانے کا انتظام کیاجارہاہے۔یہ بات ریاستی وزیر برائے ...

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...