کرناٹک کے ہاسن میں 38 بندروں کی ہلاکت کے سلسلہ میں 7 افراد گرفتار

Source: S.O. News Service | Published on 4th August 2021, 11:17 AM | ریاستی خبریں |

ہاسن،4؍ اگست (ایس او  نیوز)حکام نے 38 بندروں کی ہلاکت کے سلسلہ میں 7 افراد کو گرفتار کر لیا ہے۔ یہ واقعہ پانچ دن قبل ہاسن ضلع میں پیش آیا تھا۔29جولائی کو پہلے 38بندروں کو زہر دے کر ہلاک کردیا گیا اور ایک تھیلے میں بند کرکے رکھ دیا گیا تھا۔ یہ تھیلا ہاسن ضلع کے بیلور تعلقہ میں ایک سڑک پر ملا تھا۔ ایک بندر کسی طرح بچ نکلنے میں کامیاب ہوگیا تھا۔ وہ اسی تھیلے کے قریب بیٹھا ہوا پایا گیا تھا۔اس واقعہ سے کئی لوگوں کو افسوس ہوا تھا۔ ریاستی ہائی کورٹ نے بھی اس پر افسوس جتایا تھاجس نے از خود ایک مقدمہ بھی درج کیا تھا۔بیلور پولیس نے اس سلسلہ میں پانچ افراد کو گرفتار کیا جبکہ محکمۂ جنگلات کے افسران نے مزید دو کو پکڑا۔ ایک اخباری رپورٹ میں کہا گیا تھا کہ پولیس نے تعزیرات ہند کی دفعہ 429 اور پریونشن آف کروئلٹی ٹوانیملس قانون کے تحت ملزمین کی گرفتاری عمل میں لائی ہے۔گرفتار شدگان میں سے دو کو علاقائی عدالت کے سامنے پیش کیا گیا۔ باقی ملزمین محکمۂ جنگلات کی تحویل میں ہیں۔ان میں سے ایک نے مبینہ طور پر پولیس کو بتایا ہے کہ ان لوگوں نے ایک کنٹراکٹر کی خدمات حاصل کرکے بندروں کو پکڑاوایا تھا تاکہ انہیں کسی دوسری جگہ منتقل کیا جائے۔ اس سے انہیں بھاری رقم ملتی تھی۔ پوسٹ مارٹم کی رپورٹ سے ظاہر ہوا ہے کہ ان بندروں کو زہر دیا گیا تھا۔ اس کے علاوہ چند بندروں کی موت دم گھٹنے کی وجہ سے بھی ہوئی کیونکہ ان سب کو ایک ہی تھیلے میں بند کیا گیا تھا۔ ہاسن کے ڈپٹی کنزرویٹر آف فاریسٹ نے بتایا کہ سلاگامے گاؤں کے لوگ بندروں کی لعنت سے پریشان تھے۔ اس لئے انہوں نے رقم اکٹھا کی اور دو بندر پکڑنے والوں کی خدمات حاصل کیں تاکہ وہ انہیں پکڑ کر کسی دوسرے مقام پر لے جاکر چھوڑدیں۔اس کے لئے ان کو چالیس ہزار روپئے کی رقم دی گئی۔ ان دونوں یشودھا اور رامو کے ساتھ ساتھ گاؤں والوں کے خلاف بھی معاملہ درج کیا گیا ہے۔

ایک نظر اس پر بھی

بنگلورو سمیت سرسی، بیندور اور ریاست کے مختلف مقامات پر پٹرول ، ڈیزل سمیت ضروری اشیاء کی قیمتوں میں اضافے کے خلاف کانگریس کا تانگہ ، بیل گاڑی جوتتے ہوئے احتجاج

پٹرول، ڈیزل ، پکوان گیس ، پکوان تیل سمیت کئی ایک ضروری اشیاء کی قیمتوں میں مسلسل اضافے کے خلاف کانگریس لیڈر اور حزب مخالف لیڈر سدرامیا اور کے پی سی سی صدر ڈی کے شیو کمار کانگریس کے ارکان اسمبلی کےساتھ بنگلورو میں تانگہ سواری کرتےہوئے ودھان سودھا پہنچتے ہوئے اپنے احتجاج کو درج ...

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...

کرناٹک بی جے پی آر ایس ایس کی کٹھ پتلی، اسی کے حکم پر عمل کر رہی ہے: سدارمیا

  کرناٹک میں قائد حزب اختلاف  سدارمیانے کہا ہے کہ وزیر اعلیٰ بومئی سمیت پوری حکومت آر ایس ایس کی کٹھ پتلی کی طرح برتاؤ کر رہی ہے اور اسی کے حکم پر عمل کر رہی ہے۔ انہوں نے کہا کہ کرناٹک کے وزیر اعلیٰ بسوراج بومئی کو جمہوریت اور پارلیمانی نظام حکومت پر کوئی یقین نہیں ہے۔ انہوں نے ...

کرناٹک حکومت تیسری لہر کے لیے مستعد، 20 فیصد بیڈ بچوں کے لیے مختص

داکٹر سدھاکر نے بتایا کہ ماہرین پر مشتمل ٹیکنیکل ایڈوائزری کمیٹی کی تجویز پر بچوں کو کووڈ  کی ممکنہ تیسری لہر کے دوران زیادہ خطرے کے پیش نظر حکومت نے سرکاری اور نجی سطح پر 25870 آکسیجن سپورٹ بیڈ اور 502 پیڈیاٹرک وینٹی لیٹر تیار کیے ہیں۔