کولکاتہ، 19 جون(ایس او نیوز/آئی این ایس انڈیا) مغربی بنگال کے کولکاتہ میں سابق مس انڈیا اشوشی سین گپتا کے ساتھ کچھ منچلوں نے بدتمیزی کی۔اشوشی سین جس کیب میں جا رہی تھی، اس ڈرائیور کے ساتھ ملزمان نے مارپیٹ کی۔پولیس نے اب اس معاملے میں سات ملزمان کو گرفتار کیا ہے۔اشوشی کا کہنا ہے کہ 18 جون کو کام ختم کر کے اپنے ساتھی کارکنان کے ساتھ گھر لوٹ رہی تھی، جس کیب میں وہ سوار تھی، اس ڈرائیور کے ساتھ راستے میں کچھ لڑکوں نے مارپیٹ کی،کیب روک کر ہنگامہ کیا۔اشوشی نے جب پولیس نے مدد مانگی تو یہ کہہ کر انکار کر دیا گیا ہے کہ یہ معاملہ ان کے تھانہ علاقہ میں نہیں آتا۔پولیس سے شکایت کرنے پر وہ منچلے اشوشی کا بھی پیچھا کرنے لگے،اشوشی کو گھر کے قریب گھیر کر منچلوں نے بدتمیزی کی،اس کا ایک ویڈیو بھی وائرل ہو رہا ہے۔اشوشی کا الزام ہے کہ ویڈیو میں دکھائی دے رہے انہیں لڑکوں نے واردات کو انجام دیا،اشوشی نے حال ہی میں بدتمیزی کے بارے میں اپنا درد ظاہر کیا تھا۔کولکاتہ پولیس کی طرف سے سخت کاروائی نہ لئے جانے کو لے کر بھی انہوں نے ناراضگی ظاہر کی۔فیس بک پر انہوں نے طویل پوسٹ بھی لکھا۔منگل کو انہوں نے ایک پوسٹ میں لکھاکہ رات میں نے قریب 11.40 بجے کام ختم کرنے کے بعد گھر جانے کے لئے جے ڈبلیو میریٹ سے نکل بک کی،میرے ساتھ میری اچھی دوست بھی تھی،ہم ایلیگن کی طرف جانے کے لئے بائیں مڑ رہے تھے،تبھی موٹر سائیکل سے کچھ لڑکے اور کار سے ٹکرا گئے۔انہوں نے موٹر سائیکل روکی اور چلانا شروع کر دیا۔انہوں نے ڈرائیور کو نکالا اور پیٹنا شروع کر دیا،میں واقعہ کا ویڈیو بنانے لگی۔اشوشی نے آگے لکھاکہ تبھی مجھے ایک پولیس اہلکار دکھا،میں بھاگتے ہوئے اس کے پاس گئی اور لڑکوں کو روکنے کا مطالبہ کیا لیکن اس نے کہا کہ یہ اس کے تھانہ علاقہ کے تحت نہیں بلکہ بھوانی پور تھانہ علاقہ کے تحت آتا ہے،میرے بار بار درخواست کرنے کے بعد پولیس آئی اور لڑکوں کو پکڑ لیا لیکن لڑکوں نے پولیس افسروں کو دھکیل دیا اور وہاں سے فرار ہوگئے،اس وقت تک رات کے 12 بج گئے۔انہوں نے کہاکہ اس کے بعد جب ہم نکلے تو لڑکوں نے ہمارا پیچھا کرنا شروع کر دیا،جب میں  اپنی دوست کو چھوڑ کر رہی تھی، تب تین موٹر سائیکل پر سوار لڑکوں نے ہمارے ساتھ مارپیٹ کی۔انہوں نے مجھے باہر نکالا اور ویڈیوز ڈیلیٹ کرنے کے لئے میرے فون کو توڑنے کی کوشش کرنے لگے۔جب میں چلائی تو ارد گرد موجود لوگ آئے، جس کے بعد وہ لڑکے وہاں سے گئے۔ فیس بک پوسٹ کے بعد پولیس نے سی ایم ممتا بنرجی کو ٹیگ کرتے ہوئے لکھا کہ ہم نے اس معاملے کو سنجیدگی سے لیا ہے اور اب تک 7 لوگوں کو گرفتار کر لیا ہے۔