کاروار:5؍فروری(ایس اؤ نیوز)حکومت کرناٹک، محکمہ کنڑا اور سنسکرتی ، محکمہ سیاحت ،اترکنڑا ضلع انتظامیہ اور بنواسی ترقی بورڈ کے اشتراک سے کنڑا کے پہلے صدر مقام بنواسی میں فروری 6،8،9کو سہ روزہ کدمبا اتسوا کا انعقاد کیا گیا ہے، اس بات کی جانکار اترکنڑا ضلع ڈپٹی کمشنر ڈاکٹر ہریش کمار نے  دی ۔

وہ یہاں کدمبا اتسوا کے متعلق منعقدہ پیشگی تیاری میٹنگ میں تفصیلی جانکاری دے رہے تھے۔ انہوں نے  بتایا کہ 6فروری کی صبح 11 بجے  گڈناپور کے بنگار یشور مندر سے کدمباجیوتی ریلی شروع ہوگی شام 45-04بجے میور ورما ڈائس پہنچے گی۔ دوپہر 3بجے بنواسی جینتی ہائی اسکول میدان میں کھیل مقابلے ہونگےاور شام 6بجے سے رات 11بجے تک ثقافتی پروگرام ہونگے۔

8فروری کو بنواسی کے میورورما ڈائس پر مشہور کنڑا ادیب ڈاکٹر سدلنگیا کی معرفت پمپا ایوارڈ فنکشن ہوگا اور شام 4بجے سے رات 11بجے تک بھگتی گیت، بھرت ناٹیا، شہنائی ، موہنی اٹیّم ڈانس، یکشگان، بھارتی ڈانس روپک اور غزل گوئی کے پروگرام منعقد ہونگے۔ شام 6سے 7بجے تک ممبئی کی ایم جے 5ٹیم اور ارجن جنیا ٹیم کے ذریعے دلچسپ پروگرام ہونگے۔

9فروری کی صبح 10بجے سے رات  تک مدھوکیشور مندر ڈائس پر بچوں کے پروگرام، یوتھ کانفرنس اور پروین گوڈکنڈی ٹیم سے بانسری اور ثقافتی پروگرام اور بین الاقوامی شہرت یافتہ رکی کیج اور ان کی ٹیم گیت اور ڈانس کے پروگرام پیش کرتے ہوئے کدمبا اتسوا کا اختتام ہوگا۔