بنگلورو،19؍جون (ایس او نیوز) کرناٹک پی یوسی سال دوم کے امتحان کے نتائج پی یو سی بورڈ کی جانب سے ظاہر کر دیئے گئے ہیں۔امسال جملہ 683563 طلباء نے امتحان دیا تھا۔ جن میں 422966 طلباء کامیاب ہوئے ہیں۔ امتحان کا نتیجہ مجموعی طور پر 61.88 فیصد رہا۔
پرائیویٹ طور پر امتحان دینے والے 21931 طلباء میں صرف 5866 طلباء کامیاب رہے ہیں۔ان کا نتیجہ 26.75 فیصد رہا۔ دوبارہ امتحان دینے والے 61838 طلباء میں سے صرف 14403 طلباء کامیاب رہے۔ ان کا نتیجہ 23.29 فیصد رہا جبکہ ریگیولرطلباء جو پہلی بار امتحان دیئے ہیں ان کا نتیجہ 67.14 فیصد رہا۔599794 طلباء نے امتحان دیا تھا۔ 402697 طلباء کامیاب رہے۔
آرٹس شعبہ میں امتحان دینے والے 227929 طلباء میں 111032 طلباء کامیاب رہے۔ نتیجہ 48.71 فیصد رہا۔کامرس شعبہ کا نتیجہ 64.97فیصد اور سائنس شعبہ کا نتیجہ 75.53فیصد رہا۔سائنس شعبہ میں امتحان دینے والے 210284 طلباء میں 152525 طلباء کامیاب رہے ہیں۔ کنڑا میڈیم میں 298102 طلباء میں سے 153164 کامیاب رہے ان کا نتیجہ 51.38 فیصد رہا۔ انگریزی میڈیم میں 385461 طلباء نے امتحان دیا تھا۔ 269802 کامیاب رہے۔ ان کا نتیجہ 69.99 فیصد رہا۔
امتحان میں کامیاب طلباء میں سے 85 فیصد سے زائد نمبر لینے والے طلباء کی تعداد 91106، 60 تا 84 فیصد نمبر لینے والوں کی تعداد 214115 سکینڈ کلاس میں 68444 اور 50 فیصد سے کم نمبروں سے 49301 طلباء کامیاب ہوۓ ہیں۔اردوزبان میں 4 طلباء نے 100 فیصد نمبر لئے ہیں۔جبکہ سنسکرت میں 1119، کنڑا میں 563،انگریزی میں 124 طلباء نے لئے ہیں۔
جنوبی کنڑا اوراڈ پی ضلع 88.02 فیصد اور 86.38 فیصد سے سرفہرست رہے۔جبکہ بیجاپور ضلع 77.14 فیصد کامیابی سے تیسرے نمبر پر رہا۔ بنگلور ساؤتھ 76.24 فیصد بنگلور نارتھ 72.01 فیصد کامیابی حاصل کی۔ چتر در گی ضلع 49.31فیصد کے ساتھ آخری مقام پر رہا۔ سرکاری پی یو کالجوں کا نتیجہ 52.84 فیصد رہا۔ 163764 طلباء میں 86526 کامیاب رہے۔ امدادی پی یو کالجوں کے 104099 طلباء میں سے 64595 طلباء کامیاب رہے۔ ان کا نتیجہ 62.05 فیصد رہا۔ غیر امدادی پرائیویٹ کالجوں کے 276701 طلباء میں 211672 کامیاب ہوۓ۔ان کا نتیجہ 76.50 فیصد رہا۔کارپوریشن پی یو کالجوں کے 2263 طلباء میں 1261 کامیاب رہے ان کا نتیجہ 55.72 فیصد رہا۔ سرکاری پی یو کالجوں کے 4 امدادی پی یو کالجوں کے 2، غیر مدادی پی یو کالجوں کے 50 طلباء سمیت 56 طلباء نے اس مرتبہ 100 فیصد نمبروں کے ساتھ کامیابی حاصل کی ہے۔
سپلمنٹری امتحان : پی یوسی میں فیل ہوئے طلباء کیلئے سپلمنٹری امتحان دینے فیس داخل کر نے 24 جون آخری تاریخ ہے۔ جر مانہ فیس کے ساتھ درخواستیں 4 جولائی تک وصول کی جائیں گی۔