چتردرگہ کے ایک سرکاری اسکول میں دوپہر کا کھانا کھانے کے بعد 60 طلبا بیمار؛ کھانے میں مری ہوئی چپکلی پائی گئی

Source: S.O. News Service | By I.G. Bhatkali | Published on 6th November 2019, 12:03 PM | ریاستی خبریں |

چتردرگہ 6/نومبر (ایس او نیوز)  ضلع کے چلیّکیری تعلقہ کے نائکن ہٹّے  کے قریب  چنّا بسیّن ہٹّے سرکاری پرائمری اسکول میں  دوپہر کا کھانا کھانے کے بعد قریب 60 بچے بیمار پڑ گئے اور اُنہیں علاج کے لئے  نائکن کٹّے سرکاری اسپتال میں داخل کرنا پڑا۔ بتایا گیا ہے کہ  اسکول میں دیا گیا مڈ ڈے میل  کھانے کے بعد بچوں نے  پیٹ میں درد اور الٹی کی شکایتیں کی تھیں۔ واقعہ منگل کی شام کو پیش آیا۔

ذرائع سے ملی اطلاع کے مطابق   کھانے کے دوران ایک طالب علم کو  کھانے کی پلیٹ میں ہی  ایک   مری ہوئی چپکلی  پائی گئی  ، جس کے زہریلے اثرات سے  بچوں کے بیمار پڑنے کا خدشہ ظاہر کیا گیا ہے۔ بتایا گیا ہے کہ   بعد میں کھانے کے نمونے کو  جانچ کے لئے لیباریٹری بھیجا گیا ہے۔

ذرائع کے مطابق   قریب 125 بچوں کو متعلقہ کھانا دیا گیا تھا جس میں 60 سے بھی زائد بچے بیمار پڑ گئے ہیں۔

جب بیمار بچوں کو اسپتال لے جایا گیا تو وہاں  اتنی بڑی تعداد میں  بچوں کو سلانے کے لئے پلنگ مہیا نہیں تھے، جس کے نتیجے میں زیادہ تر بچوں کو  فرش پر ہی  چادر ڈال کر سلایا گیا اور اُن کا علاج کیا گیا۔

اطلاع کے مطابق اس سے پہلے بھی اسی اسکول میں  مڈ ڈے میل کھانے سے  بچے بیمار پڑ چکے ہیں، اور اب یہ دوسرا واقعہ ہے۔ ذرائع کے مطابق  اسی سال جولائی مہینے میں بھی اسی اسکول میں ایسا ہی ایک واقعہ پیش آیا تھا اور کئی بچوں کو  قئے اور پیٹ کے درد کی شکایتوں کے بعد اسپتال لے جایا گیا تھا۔

اسی طرح کا ایک واقعہ کرناٹک کے  منڈیا میں بھی پیش آیا تھا، جب اسی سال ستمبر میں  ایک اسکول میں  دوپہر کا کھانا کھانے کے بعد ایک درجن سے زائد بچے بیمار پڑ گئے تھے۔

والدین اسکولوں میں بچوں کے دئے جانے والے کھانوں پر اب سوال اُٹھارہے ہیں اور انتظامیہ سے جاننا چاہ رہے ہیں کہ آخر بار بار اس طرح کی لاپرواہی کیوں برتی جارہی ہے۔ والدین  اس طرح کی لاپرواہی پر  خاطیوں کے خلاف  قانونی کاروائی کی مانگ کررہے ہیں۔

 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔