پاکستان کی ایک مسجد میں نماز کے دوران خودکش دھماکہ؛ 59 کی موت 140 سے زائد زخمی؛ پہلی صف پر کھڑا تھا حملہ آور

Source: S.O. News Service | By I.G. Bhatkali | Published on 31st January 2023, 1:14 AM | عالمی خبریں |

پشاور30 جنوری (ایس او نیوز) پاکستان کے شہر پشاور کی ایک مسجد میں نماز ظہر کے دوران ہوئے خودکش دھماکے میں 59 لوگوں کی موت واقع ہوگئی جبکہ 140 سے زائد لوگ زخمی ہوگئے۔ دھماکہ پیشاورکی پولس لائن کی مسجد میں پیش آیا جس میں امام مسجد اور پولیس اہلکاربھی مرنے والوں میں شامل ہیں۔ 

پاکستانی میڈیا کے مطابق واردات میں متعدد زخمیوں کی حالت تشویشناک ہے، جبکہ دھماکے سے مسجد کی دومنزلہ عمارت بھی گرگئی ہے، سکیورٹی حکام کے حوالے سے خبروں میں بتایا گیا ہے کہ حملہ آور نمازیوں کی پہلی صف میں موجود تھا۔

بتایا گیا ہے کہ مسجد کے ملبے تلے دبے ہونے کا خدشہ ہے، رپورٹ پوسٹ کرنے تک بھاری مشینری سے ریسکیو آپریشن جاری تھا۔

بتایا گیا ہے کہ جب دھماکہ ہوا تو مسجد میں تقریباً 550 نمازی موجود تھے۔ سیکورٹی اہلکاروں کا کہنا ہے کہ جہاں فدائین حملہ ہوا وہ مسجد پولیس لائن علاقے میں واقع ہے۔ واقعہ دوپہر تقریباً 1.40 بجے کا ہے جب بڑی تعداد میں لوگ نماز پڑھ رہے تھے۔

رپورٹوں کے مطابق پشاور کے لیڈی ریڈنگ اسپتال نے دھماکے میں شہید اور زخمی افراد کی فہرست جاری کردی ہے جس کے مطابق مرنے والوں میں 5 سب انسپکٹرز، مسجد کے پیش امام صاحبزادہ نور الامین ، ایک خاتون  اور دیگر افراد شامل ہیں۔ خاتون مسجد سے متصل پولیس کوارٹر میں رہاش پذیر تھی۔

بتایا گیا ہے کہ دھماکے کی آواز اتنی شدید تھی کہ دور دورتک سنی گئی جس میں متعدد افراد زخمی ہوئے جب کہ دھما کے کے بعد علاقے میں فائرنگ کی آوازیں بھی سنی گئی ہیں۔ دھماکے کے بعد ریسکیو اہلکار موقع پر پہنچ گئے اور زخمیوں کو قریبی اسپتال منتقل کیا گیا جب کہ قانون نافذ کرنے والے اداروں کے اہلکار بھی موقع پر پہنچ گئے اور بعد میں سکیورٹی اہلکاروں نے علاقے کو سیل کردیا۔ بتایا گیا ہے کہ پاکستانی فوج نے دھماکہ کی خبر ملتے ہی پورے علاقے کو گھیر لیا تھا اور زخمیوں کو قریبی اسپتال میں علاج کے لیے بھیجا گیا۔ زخمیوں کی بڑی تعداد کو دیکھتے ہوئے پیشاور میں میڈیکل ایمرجنسی کا اعلان کر دیا گیا ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...