کاروار: اُترکنڑا میں آج کورونا کے 51 معاملات؛ 67 متاثرین صحت مند ہوکر ڈسچارج؛ کاروار میں ایک کی موت
کارواریکم اگست (ایس او نیوز) اُترکنڑا میں آج سنیچر کو کورونا کے 51 پوزیٹیو کیسس کی تصدیق ہوئی ہے جس میں کمٹہ میں سب سے زیادہ 14 جبکہ ہلیال میں 13 معاملات درج ہوئے ہیں۔ کاروار میں 5، منڈگوڈ میں 5، جوئیڈا میں 4، انکولہ میں 2،سرسی میں 2، یلاپور میں 2 اور بھٹکل میں 3 کی رپورٹ پوزیٹیو آنے کی تصدیق ہوئی ہے۔ اس دوران مختلف اسپتالوں سے 67 لوگ صحت مند ہوکر ڈسچارج بھی ہوئے ہیں۔ البتہ کاروار میں ایک شخص کی موت ہونے کی بھی اطلاع ملی ہے۔ بتایا گیا ہے کہ آج کی موت کے ساتھ ہی اُترکنڑا میں کورونا سے مرنے والوں کی تعداد بڑھ کر 24 ہوگئی ہے۔