جے پور،05 /مئی (ایس او نیوز؍آئی این ایس انڈیا) راجستھان میں کورونا وائرس انفیکشن کی وجہ سے منگل کو مزید 5 لوگوں کی موت ہو گئی ہے۔ جس سے ریاست میں اس وباء سے مرنے والوں کی تعداد 82 ہو گئی۔ اس دوران 38 نئے کیس آنے سے ریاست میں کورونا وائرس کیمریضوں کی کل تعداد بھی بڑھ کر 3099 ہو گئی ہے۔

حکام نے بتایا کہ جے پور میں مزید 5 لوگوں کی موت ہوئی ہے۔ اس سے جے پور میں کورونا وائرس انفیکشن سے مرنے والوں کی تعداد 49 ہو گئی۔ وہیں پوری ریاست میں کورونا وائرس انفیکشن سے منسلک اموات کی تعداد بڑھ کر 82 تک پہنچ گئی ہے۔

حکام کا کہنا ہے کہ زیادہ تر معاملوں میں مریض کسی نہ کسی دیگر سنگین بیماری میں بھی مبتلا تھے۔اس دوران ریاست میں کورونا وائرس انفیکشن کے 38 نئے کیس آئے جن جے پور میں 14، چتوڑ گڑھ میں 9، کوٹہ میں 8، جودھپور میں 4، ٹونک میں 2 اور بھرت پور میں 1 معاملہ شامل ہے۔

اس ریاست میں اب تک ملے کل مریضوں کی تعداد 3099 اور جے پور میں 1036 ہو گئی ہے۔راجستھان میں کورونا وائرس انفیکشن کے کل معاملات میں دو اطالوی شہریوں کے ساتھ ساتھ 61 وہ لوگ بھی ہیں جنہیں ایران سے لا کر جودھپور اور جیسلمیر میں فوج کے صحت مراکز میں ٹھہرایا گیا ہے۔