اُڈپی، 21؍ جولائی (ایس او نیوز؍ یو این آئی) اُڈپی ضلع میں غیر علاماتی کووڈ۔19 مریضوں کیلئے 5 ڈے کیئر سنٹرس کی کشادگی عمل میں آئی جن میں مجموعی طور پر 870 بستروں گنجائش ہے، کارکلا میں ایک ، اُڈپی میں 3 اور کنداپور میں 1 قائم کئے گئے۔ ان مراکز میں 100 سے زائد مریض زیر علاج ہیں ۔ ضلع میں کووڈ۔ 19 بڑھتے کیسس کے پیش نظر یہ مراکز کھولے گئے ہیں ۔ یہ غیر علاماتی مریضوں کیلئے قائم کئے گئے جو گھر پر علاج نہیں کروانا چاہتے ۔ ہر مرکز پر ایک نرس اور ایک ڈاکٹر ہوگا۔ ڈاکٹرس دن میں دو مرتبہ مریضوں کی صحت کی جانچ کریں گے۔ کووڈ۔19 مریضوں کو قرنطینہ کرنے ضلع میں 10 مقامات کی نشاندہی کی گئی ہے۔

ضلع ہیلتھ آفیسر ڈاکٹر سدھیر چندرا سودا نے کہا کہ فی الحال ضلع میں کووڈ۔19 کے 584 فعال کیسس ہیں جو ضلع کے نامزد کووڈ۔ 19 دواخانوں میں زیر علاج ہیں۔