جوئیڈا: اسکول سے غیر حاضر رہنے والے بچے کی بے رحمانہ پٹائی۔ گاؤں والوں نے اسکول ٹیچر کو ہی سبق سکھایا

Source: S.O. News Service | Published on 21st January 2020, 1:02 PM | ساحلی خبریں |

جوئیڈا،21/جنوری (ایس او نیوز) دیہاتوں کے سرکاری اسکولوں میں بچوں کی غیر حاضری ایک عام بات ہے۔ لیکن تعلقہ کے بیرمپالی لوئر پرائمری اسکول میں غیر حاضر رہنے والے چوتھی جماعت کے طالب علم جانو ٹوکّو گؤلی کے ٹیچرروسیّا ریڈی کو اس کی غیر حاضری نے ایسا مشتعل کردیا کہ اس نے بچے کا شرٹ اتار کر ہاتھ اور پیر باندھنے کے بعد اس کی بری طرح پٹائی کرڈالی۔جس کی وجہ سے اس کے بدن پربید کے نشانات ابھر آئے۔

 جب یہ بات جانو کے والدین اور مقامی افراد کو معلوم ہوئی تو انہوں نے اسکول پہنچ کر  بچے کے ساتھ غیر انسانی سلوک کرنے پرمتعلقہ اسسٹنٹ ٹیچر کی ایک سخت کلاس لے ڈالی اور اسی بید سے اس کو مار پیٹ کر ایک نیا سبق سکھا دیا۔اس کے بعد اسے پولیس کے حوالے کیا ہے، جہاں طلبہ کے ساتھ ظالمانہ برتاؤ کرنے کا کیس درج کردیا گیا ہے۔گاؤں والوں نے محکمہ تعلیمات کے افسران سے بھی اس ٹیچر کی شکایت کی۔ بچے کی پٹائی کا ویڈیو کلپ دیکھنے کے بعد ڈی ڈی پی آئی دیواکر شیٹی نے اس ٹیچر کوفوری طور پر معطل کردیا ہے۔

ایک نظر اس پر بھی

بھٹکل کے اُترکوپّا میں نامعلوم شرپسندوں نے گھر میں گھس کر کیا عورت کا بیہمانہ قتل

تعلقہ کے اُترکوپّا میں نامعلوم شرپسندوں نے  ایک مکان میں گھس کرایک عورت کا بے رحمی سے قتل کردیا اور عورت کو خون میں لت پت چھوڑ کر فرار ہوگئے، واردات سنیچر دیر رات کو پیش آئی ہے۔ مہلوک کی شناخت  لکشمی کرشنا نائک (50) کی حیثیت سے کی گئی ہے۔

کاروار تعلقہ گرام پنچایت صدر و نائب صدر کے لئے ریزرویشن یکم فروری کو ہوگا

ڈپٹی کمشنر ڈاکٹر ہریش کمار کی طرف سے جاری بیان کے مطابق کاروار تعلقہ کے گرام پنچایتوں صدر اور نائب صدر کے عہدے مختص کرنے کا پروگرام جو 25 جنوری کو منعقد ہونا تھا اسے ملتوی کردیا گیا ہے اور اب یہ پروگرام یکم فروری کو منعقد کیا جائے گا۔