اترکنڑا ضلع میں 102سرکاری ملازمین سمیت کل 470بی پی ایل کارڈ رد
کاروار:06؍نومبر(ایس اؤ نیوز) اترکنڑا ضلع میں ابھی تک 470لوگوں کے نااہل بی پی ایل کارڈ رد کئے جانےکی محکمہ تغذیہ اور شہری سپلائی کے نائب ڈائرکٹر پُٹُّوسوامی نے جانکاری دی۔
اصولوں کی خلاف ورزی کرتےہوئے کئی لوگ بی پی ایل کارڈ حاصل کئے تھے۔ عوامی شکایات پر نااہل بی پی ایل کارڈ واپس کرنے کی جو مہلت دی گئی تھی وہ ختم ہوگئی ہے، کارڈوں کی تفتیش جاری ہے۔ ابھی تک 102سرکاری ملازمین اور 368دیگر افراد کے بی پی ایل کارڈ رد کئے گئےہیں۔ ضلع میں کاروار اور بھٹکل میں فی کس 24، جوئیڈا اور انکولہ میں فی کس 5، سرسی اور کمٹہ میں فی کس 4،ہوناور میں 18،سداپور میں 7،یلاپور میں 8،ہلیال میں 5سرکاری ملازمین کے بی پی ایل کارڈ رد کئے گئےہیں۔ اس کے علاوہ کاروار میں 69،انکولہ میں 79،کمٹہ میں 34،ہوناور میں 28،بھٹکل میں 41،سرسی میں 52،سداپور میں 13،یلاپور میں 28،منڈگوڈ میں 34، ہلیال میں 53،جوئیڈا میں 15دیگر لوگوں کے بی پی ایل کارڈ وں کو رد کئے جانےکی جانکاری دی ہے۔