بہار: ٹرانسپورٹروں سے ساز باز کے الزام میں 13 پولس افسران سمیت 45 جوان معطل
پٹنہ،11/نومبر(ایس او نیوز/یو این آئی) بہا رمیں ٹرانسپورٹروں سے ساز باز کر کے امتناع کے باجود دار الحکومت پٹنہ کے مہا تما گاندھی سیتو سے ریت ، پتھر ، گٹی اور تعمیراتی اشیاءلدی ٹرکوں کی آمدورت کی اجازت دینے کے الزام میں تیرہ پولیس افسران سمیت 45 جوانوں کو معطل کر دیا گیا ہے ۔
پٹنہ کے ٹریفک پولس سپرنٹنڈنٹ ڈی امر کیش نے آج پٹنہ میں بتایاکہ ٹرانسپورٹروں سے ساز با ز کر کے امتناع کے باوجود دار الحوکمت پٹنہ کے مہا تما گاندھی سیتو سے ریت ، پتھر ، گٹی اور تعمیراتی اشیاءسے لدی ٹرکوں کی آمدورفت کی اجازت دینے کے الزام میں 13 پولس افسران سمیت 45 جوانوں کو معطل کر دیا گیا ہے ۔ انہوں نے بتایاکہ معطل پولس عملوں کے خلاف اگم کنواں تھانے میں ایف آئی آردرج کرائی گئی ہے ۔ ان کے خلاف محکمہ جاتی کاروائی کا عمل جلد ازجلد شروع کر دیا جائے گا۔
پولس سپرنٹنڈنٹ نے بتایاکہ معطل پولیس افسران میں سب انسپکٹر ( ایس آئی ) کامیش پرساد سنگھ ، بھولا یادو ، اندر دیو یادو ، اجے کما ر پانڈے ، ارون کمار جھا ، ونود کمار سنگھ اور اسسٹنٹ سب انسپکٹر ( اے ایس آئی ) پھول ساگر رام ، راجیو ، راجیو کمار مشرا ، موتی لال ساہ ، رام بابو پاسوان ، راجیش رنجن ، راکیش کمار تریپاٹھی اور جیتندر پرساد شامل ہیں۔ یہ سبھی بائی پاس تھانے کے گاندھی سیتو نمبر 46 علاقے میں تعینات تھے ۔ ان کے علاوہ 32 کانسٹیبل ہیں جنہیں معطل کر دیا گیا ہے۔