منگلورو سمندر میں غرقآب ماہی گیر کشتی سے لاپتہ تمام چھ ماہی گیروں کی نعشیں برآمد

Source: S.O. News Service | By Abu Aisha | Published on 2nd December 2020, 6:20 PM | ساحلی خبریں |

منگلورو:2؍دسمبر (ایس اؤ نیوز) منگلورو سے 15ناٹیکل میل دور گہرے سمندر میں پیر کی رات غرقآب ہوئی ماہی گیر بوٹ میں سے سمندر میں غرق ہوکر لاپتہ ہونے والے تمام 6 ماہی گیروں کی نعشیں برآمد کرلی گئی ہیں غرق ہونے والی بوٹ پر سوار دیگر 19ماہی گیربحفاظت بچا لئے گئے ہیں۔ ماہی گیر کشتی ڈوبنے سے مچھلیوں کا شکار کرنے والی جال اور کشتی سمیت 70لاکھ روپیوں کے نقصان کا انداز لگایا گیا ہے۔

جن ماہی گیروں کی نعشیں برآمد کرلی گئی ہیں  ان کی شناخت پانڈورنگا سورنا (58)،پریتم (25)، انصار(31)، چنتن،   ضیاء اللہ (32) اور حسینار (25) کی حیثیت سے کی گئی ہیں

ذرائع سے ملی اطلاع کے مطابق تمام ماہی گیروں پر اپنے اپنے گھر اور اپنے پورے خاندان کی ذمہ داریاں تھیں، ۔پانڈورنگا سورنا پچھلے 30 سالوں سے اسی پیشے سے وابستہ تھے۔ پریتم بیرون ملک میں روزگار تھا ملک لوٹنے کےبعد ماہی گیر ی پیشے سے وابستہ ہوگیا تھا۔

 سبھی ماہی گیر بہترین تیراک تھے، بتایا گیا ہے کہ کشتی پلٹنے کی وجہ سے یہ سبھی چھ ماہی گیر مچھلی کی جال کے نیچے پھنس گئے جس کی وجہ سے انہیں تیر کر کنارے تک پہنچنا ممکن نہیں ہوسکا۔ البتہ جن کو کشتی نے دور پھینک دیا تھا وہ تیرکر ساحل تک پہنچنے میں کامیاب ہوگئے۔

یاد رہے کہ کلائی چترا پور کے پرشانت کی ملکیت والی ’شری رکشھا‘ پرشین بوٹ پیر کی صبح 6بجے 25ماہی گیروں کو ساتھ لے کر گہرے سمندر میں مچھلیوں کے شکار کے لئے نکلی تھی ۔ شام 30- 5بجے انہوں نے مچھلیوں کے لئے جال بچھایا۔ 30- 7بجے جب مچھلیوں سمیت جال کھینچنے لگے تو کشتی توازن کھوکر پلٹ کر سمندر میں ڈوب گئی۔ تین ماہی گیر چھوٹی کشتی میں سوا ر تھے تو بقیہ سبھی بڑی ماہی گیر کشتی پر ہی تھے۔ جب کشتی پلٹی تو کشتی پر سوار سبھی ماہی گیر سمندر میں گرگئے ان میں سے 16لوگ تیرتے ہوئے کنارے تک پہنچنے میں کامیاب ہوگئے۔

25 ماہی  گیروں میں سے 7لوگوں کا تعلق ریاست اڑیسہ سے جبکہ بقیہ سبھی ماہی گیرمنگلورو کے ہیں۔

حادثے کے بعد جائے وقوع پر پہنچ کر رکن اسمبلی ویدیاس کامت ، یوٹی قادر، ماہی گیر نگم کے صدر نتین کمار ، ڈی سی ڈاکٹر راجیندر کمار وغیرہ نے  پہنچ کر حالات کی جانکاری لی۔ اس موقع پر وزیر برائے بندرگاہ اور ماہی گیر کوٹا شری نوا س پجاری نے بتایا کہ حادثے کےمتعلق وزیر اعلیٰ کو پوری جانکاری دی گئی ہے انہوں نے واقعے پر سخت افسوس کا اظہار کرتے ہوئے مہلوکین کے خاندان والوں کو حکومت کی طرف سے چھ چھ لاکھ روپیہ معاوضہ دینے کا اعلان کیا۔

ایک نظر اس پر بھی

پریش میستا کی موت میں ہو سکتا ہے بی جے پی کا ہاتھ۔ ڈی کے شیو کمار نے ظاہر کیا شبہ

اخباری نمائندوں سے بات چیت کرتے ہوئے کانگریس کے ریاستی صدر ڈی کے شیو کمار نے شبہ ظاہر کرتے ہوئے کہا کہ ہوناور میں پریش میستا کی جو مشتبہ موت واقع ہوئی تھی اس کے پیچھے بی جے پی والوں کا ہی ہاتھ ہوسکتا ہے، جس کا ثبوت یہ ہے کہ  وہ لوگ اس معاملے پر پردہ ڈالنے کی کوشش کر رہے ہیں۔

یلاپور میں پٹرول ، ڈیزل کی قیمتوں میں اضافے کےخلاف لاری مالکان تنطیموں کا احتجاج

پٹرول اور ڈیزل کی قیمتوں میں لگاتار اضافے کی مخالفت میں لاری مالکان کے مختلف تنظیموں نے جمعہ کو شہر میں بند منایا۔ لاری، آٹو، ٹیاکسی اوردیگر تجارتی سواریوں نے بھی بند میں شامل ہوتےہوئے حمایت کی۔ تنظیموں نے تحصیلدار کی معرفت ریاستی گورنر اور ضلع نگراں کار وزیر کو میمورنڈم ...

یلاپور کی نندولی دیہات کی طالبہ کا اغواء کاری معاملہ : ماں کے خوف سےخود لڑکی نے  گھڑی تھی جھوٹی کہانی  

یلاپور تعلقہ نندولی دیہات میں دسویں میں زیر تعلیم طالبہ کے اغواءکاری معاملے کی  سچائی کا پتہ چلتے ہی جانچ میں جٹی پولس ٹیم حیرت میں پڑگئی ہے۔ لڑکی نے جھوٹی کہانی گھڑتے ہوئے خود اغواء ہونےکا ناٹک رچے جانے کی بات لڑکی نے پولس کے سامنے بیان کی ہے۔