مینگلور کے قریب بنٹوال میں بھیانک سڑک حادثہ؛ بھٹکل کے ایک ہی خاندان کے چار افراد ہلاک، سات زخمی؛ مرنے والوں میں دلہا بھی شامل

Source: S.O. News Service | By I.G. Bhatkali | Published on 19th July 2019, 4:55 PM | ساحلی خبریں | ریاستی خبریں |

بھٹکل 19/جولائی (ایس او نیوز)  مینگلور کے قریب بنٹوال میں  آج جمعہ صبح   پیش آئے ایک بھیانک سڑک حادثے میں بھٹکل کے ایک ہی خاندان کے چار افراد ہلاک ہوگئے جبکہ سات دیگر شدید زخمی ہوگئے ۔ مرنے والوں میں  دلہا بھی شامل ہے جبکہ دلہن  کی حالت نازک بتائی گئی ہے۔  حادثہ اُس وقت پیش آیا جب ایک کار، جس پر یہ سبھی لوگ سوار تھے، مخالف سمت سے آنے والی ٹینکر سے تیز رفتاری کے ساتھ  ٹکراگئی۔

ذرائع سے ملی ا طلاع کے مطابق  گیس سے بھری ٹینکر مینگلور سے  بنگلور کی طرف جارہی تھی جبکہ کار دھرمستھلا سے  بھٹکل   آرہی تھی، بنٹوال تعلقہ کے  برہمّر کوٹلو  ٹول گیٹ کے قریب نیشنل ہائی وے پر  یہ حادثہ پیش آیا۔ بتایا گیا ہے کہ کار پر گیارہ لوگ سوار تھے جس میں سے  چار لوگ ہلاک ہوگئے  جبکہ سات  لوگ  شدید زخمی ہوئے ہیں جنہیں مینگلور کے  اے جے اسپتال، سٹی اسپتال، فادر مولر و دیگر اسپتالوں میں داخل کیا گیا ہے۔

مرنے والوں کی شناخت، ہیبلے گاندھی نگر کے  گوند موگیر (55)، اس کی اہلیہ  پدماوتی موگیر(50)، ان کا بیٹا ناگراج موگیر (24)  اورکریکل کے رہنے والے گنیش موگیر کی حیثیت سے کی گئی ہے۔  زخمیوں میں دو کی حالت نازک بتائی گئی ہے۔

اطلاع کے مطابق گنیش موگیر اور جیوتی موگیر کی ایک ماہ قبل ہی شادی ہوئی تھی۔ گنیش کا تعلق کریکال سے اور جیوتی کا تعلق گاندھی  نگر سے  ہے۔ ان دو گھرانوں کے افراد   ایک کار پر سوار پوجا پاٹ کی رسم ادا کرنے  کولّور، سبرامنیا اور دھرمستھلا گئے تھے اور غالباً  پوجا پاٹ کے بعد دھرمستھلا سے  واپس بھٹکل  لوٹ رہے تھے جس کے دوران یہ حادثہ پیش آیا۔ مرنے والوں میں  دلہا گنیش موگیر بھی شامل ہے، جبکہ دلہن  جیوتی موگیرحادثے میں شدید زخمی ہوئی ہے اور اس کی حالت نازک بتائی گئی ہے۔

دیگر زخمیوں میں  دو معصوم بچوں کی شناخت  یشونی اور ورشاکی حیثیت سے کی گئی ہے ، جبکہ ایک اور گنیش موگیر نامی شخص سمیت  شیوانند موگیر اور یمونا موگیر بھی شدید زخمی ہوئے ہیں۔ کار ڈرائیور راجیش کے تعلق سے بتایا گیا ہے کہ اُس کے ایک  ہاتھ کو چوٹ لگی ہے اور وہ  معمولی زخموں کے ساتھ  محفوظ ہے۔

ٹکر سے  کار کے پرخچے اُڑ گئے اور  جگہ جگہ خون  کے چھینٹے پڑے ہوئے پائے گئے۔حادثے کے فوری بعد جائے وقوع پر بنٹوال ٹریفک  پولس پہنچ گئی اور مقامی لوگوں کی مدد سے دونوں سواریوں کو الگ کیا، کافی کوششوں کے بعد  کار کے اندر  پھنسے زخمیوں کو باہر نکال کر فوری طور پر قریبی اسپتال پہنچایا گیا۔ اس موقع پر کثیر تعداد میں لوگ بھی  جمع ہوگئے تھے، جبکہ نیشنل ہائی وے پر دونوں طرف  سواریوں کی لمبی قطار لگ گئی تھی اور ٹریفک نظام بری طرح متاثر ہوا تھا۔

مقامی لوگوں کی مدد سے بنٹوال ٹریفک پولس نے  سڑک کو سواریوں کے لئے صاف کیا۔

بنٹوال پولس تھانہ میں معاملہ درج کیا گیا ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔