بھٹکل: منکی نیشنل ہائی وے پر گاڑیوں کو لوٹنے کی کوشش کرنے کے الزام میں 4 گرفتار۔ 2 کی تلاش جاری

Source: S.O. News Service | Published on 27th July 2020, 11:35 PM | ساحلی خبریں | ان خبروں کو پڑھنا مت بھولئے |

بھٹکل 27/جولائی (ایس او نیوز) پڑوسی علاقہ ہوناور تعلقہ کے منکی نیشنل ہائی وے پر ماوین کٹے کے پاس رات ایک بجے کے قریب موٹر گاڑیوں اور راہگیروں کو لوٹنے کی تیاری میں مصروف بھٹکل کے رہنے والے 4 ملزمین کو منکی پولیس نے گرفتار کرلیا ہے جبکہ منکی کے رہنے والے 2 ملزمین کی تلاش جاری ہے۔

پولیس نے بتایا کہ  گرفتار کیے گئے بھٹکل کے ملزمین کے نام عبدالسلام ولد محمد بیاری، حبیب اللہ احمد صاب، عبدالرشید ولد حضرت صاب شیرگوڈاور تنویر ولد رفیق ہیں جبکہ منکی کے ملزمین فیاض فکردے اور شجاعت بیدرکٹے کو گرفتار کرنے کے لئے پولیس نے جال بچھادیا ہے۔

پولیس کا کہنا ہے کہ جب یہ ملزمین سفاری موٹر کار نمبر KA 19/P3030 میں ڈکیتی کے لئے ضروری سامان لے کر ماوین کٹے کے پاس موٹر گاڑیوں کو روک کر لوٹنے کی تیاری میں تھے تو پولیس سب انسپکٹر پی بی کونّوراور عملے نے مل کر دھاوا بول دیا۔کار اور دیگر ساز و سامان ضبط کرنے کے علاوہ ملزمین کو گرفتار کرکے عدالت میں حاضر کیا گیا جہاں سے ان کو عدالتی حراست میں بھیج دیا گیا ہے۔ اس معاملے کی تحقیق جاری ہے۔

ایک نظر اس پر بھی

بھٹکل: ٹریڈ لائسنس بنانےیا رینیو کرانے میونسپالٹی میں الگ کاونٹر قائم کرنے اسسٹنٹ کمشنر سے مطالبہ

بھٹکل میونسپالٹی میں ٹریڈ لائسنس نیا کرانے یا پرانے لائسنس کو رینیو کرانے کے لئے ایک الگ کاونٹر قائم کرنے سمیت  میونسپالٹی میں لائسنس  کے تعلق سے ہرممکن سہولت فراہم کرنے کا مطالبہ لے کر بھٹکل بزنس کمیونٹی (بازار علاقہ) کے  ایک وفدنے بھٹکل اسسٹنٹ کمشنر سے ملاقات کی ہے۔

بھٹکل:طوفانی بارش کے درمیان بیچ سمندر میں بوٹ کا انجن بند؛ بری طرح پھنسے ماہی گیروں کو بچالیا گیا

بھٹکل میں آج صبح سے رات دیر گئے تک طوفانی ہواوں کے ساتھ بارش کا سلسلہ جاری ہے، ایسے میں آج اتوار صبح ماہی گیروں کی ایک بوٹ جو بحر عرب میں  بری طرح پھنس گئی تھی اور اُس پر سوار چار ماہی گیروں کے جان کے لالے پڑ گئے تھے، شام تک چاروں کو بچالئے جانے کی اطلاع ملی ہے۔

بھٹکل میں دو مختلف سڑک حادثات؛ بائک اور کار کی ٹکر میں دو زخمی، آٹو رکشہ اور لاری کی ٹکر میں ایک زخمی

بھٹکل میں آج اتوار کو ہوئےدو مختلف سڑک حادثات میں تین لوگ زخمی ہوگئے جن میں  ایک سرکاری اسپتال سے ابتدائی طبی امداد کے بعد اُڈپی شفٹ کیا گیا ہے جبگہ   دیگر دو کو   قریبی اسپتال سے  مرہم پٹی کرائی گئی ہے۔

بھٹکل : رویل اسپورٹس ہال میں میونسپالٹی حکام کی عوامی میٹنگ؛ اسسٹنٹ کمشنر کے سامنے پیش کئے گئے علاقہ کے مسائل

عوام کے مسائل کو جاننے اور اُن کو حل کرنے کی ہرممکن کوشش کرنے  بھٹکل کے مختلف علاقوں میں  پہنچ کر میونسپل حکام ہرروز عوامی میٹنگ کا انعقادکررہے ہیں  اسی طرح کی ایک میٹنگ سنیچر کو  علوہ اسٹریٹ میں  واقع رویل اسپورٹس سینٹر کے ہال میں  منعقد کی گئی جس میں اسسٹنٹ کمشنر بھرت نے بھی ...

بی جے پی کے رویہ سے پارلیمانی جمہوریت شرمسار: کانگریس

کانگریس نے کہا کہ راجیہ سبھا میں بھارتیہ جنتا پارٹی نے جس طرح کا سلوک کیا ہے اس سے ملک کی پارلیمانی جمہوریت شرمسار ہوئی ہے اور ڈپٹی چیرمین ہری ونش نارائن سنگھ نے اراکین کے جذبات کو کچل کر ایوان کی کارروائی کو انجام دیا۔

بہار: اسمبلی انتخاب میں نوجوان ووٹر ہی کریں گے امیدواروں کی قسمت کا فیصلہ

اس بار اسمبلی انتخابات میں نوجوان ووٹروں  کی ایک بڑی تعداد اپنی  حق رائے دہی کا استعمال کرنے جارہی ہے۔ الیکشن کمیشن نے زیادہ سے زیادہ ووٹروں  کی تعداد میں 18 سال کی عمر کو عبور کرنے والے ووٹروں  کو اندراج کرنے کے لئے ایک مہم کا آغاز کیا ہے۔ انٹرنیٹ پر بھی نام شامل کیے جارہے ...