بنگلورو،4؍اگست(ایس او نیوز)کرناٹک میں بھی کوروناوائر س کاخوفناک پھیلاؤ رکنے اورتھمنے کا نام نہیں لے رہاہے،ہرگزرتے لمحے اوردن کے ساتھ کوروناوائرس کے نئے معاملات میں اضافہ ہی ہوتا جارہاہے، کرناٹک میں گزشتہ 24گھنٹو ں کے دوران کورنا متاثرین کی تعدامیں تشویشناک حد تک اضافہ دیکھاجارہاہے۔ریاست میں آج ایک ہی دن کوروناوائرس کے پازیٹیومعامالات کی تعداد 4,752 ریکارڈکی گئی ہے۔ بروزاتوارشام 5بجے سے بروزاپیرشام 5بجے تک ریاست میں کوروناکے 4,752معاملات کا پتہ چلاہے۔ ریاستی محکمہ صحت کی جانب سے جاری تازہ جانکاری ہیلتھ بلیٹن کے مطابق 4,752نئے کوروناکیس سامنے آئے،اس کے ساتھ ہی ریاست میں کوروناسے متاثرہونے والوں کی تعدادبڑھ کر1,39,571ہوگئی ہے۔آج راجدھانی بنگلور میں ایک ہی دن 1497معاملات پیش آئے،متاثرین کی تعدادبڑھ کر57396ہوگئی ہے۔آج شہر میں کوروناسے 27افرادجاں بحق ہوگئے،اس طرح کوروناسے مرنے والوں کی تعدادبڑھ کر1104ہوگئی ہے۔آج جن اضلاع میں کورناوائر س کے پازیٹیومعاملے سامنے آئے ان کی تفصیل اس طرح ہے۔ بنگلورمیں 1497، میسورمیں 365، بلاری میں 269،کلبرگی اوربیلگاوی میں فی کس 219، دھارواڑمیں 184، ہاسن میں 146، دکشن کنڑامیں 139، اڈپی میں 136، باگل کوٹ میں 134، وجئے پورمیں 129، شیموگہ میں 119، رائچورمیں 109، داونگرہ میں 108، اورکوپل میں 107سمیت ریاست بھرکے 4,752افرادمیں کوروناوائرس کی تصدیق ہوئی ہے۔ آج ریاست میں کوروناوائرس سے علاج کے دوران98مریض فوت ہوگئے،اس سے ریاست میں اب تک مرنے والوں کی تعدادبڑھ کر2594ہوگئی ہے،جبکہ کوروناوائرس سے اب تک 62,500افرادصحت یاب ہوئے ہیں جنہیں اسپتالوں سے ڈسچارج بھی کردیاگیاہے،آج ایک ہی دن 4,776مریض ڈسچارج ہوئے ہیں۔ فی الحال ریاست میں ایکٹیواورفعال کیسوں کی تعداد74,469ہے۔ جبکہ 629مریض آئی سی یومیں زیرعلاج ہیں۔