ریاض 17/اکتوبر (ایس او نیوز) سعودی پریس ایجنسی نے پولیس ترجمان کے حوالے سے بتایا ہے کہ بدھ کے روز یہاں پیش آئے بس اور ٹرک کے درمیان تصادم میں 35زائرین جاں بحق ہوگئے ہیں۔
بتایاجاتا ہے کہ مدینہ سے 170کلو میٹر دوری پرہجرا رروڈ پر واقع الاخل نامی دیہات کے قریب یہ حادثہ ہوا ہے۔ شام سات بجے کے قریب39 زائرین سے بھری ہوئی بس ایک ٹرک سے ٹکر ا گئی۔ جس کے بعدمحکمہ صحت کے حوالے سے خبر آئی تھی کہ جملہ 36زائرین فوت ہوگئے ہیں، لیکن بعد میں پولیس ذرائع نے 35اموات کی تصدیق کی ہے۔زخمیوں کوعلاج کے لئے الحمنا اسپتال میں منتقل کیا گیا ہے۔سعودی پریس ایجنسی کے حوالے سے بتایاگیا ہے کہ جاں بحق ہونے والے تمام افراد مملکت سعودی عربیہ میں ایشیائی اور عرب ممالک کے خارجی شہری تھے۔