تمل ناڈو میں اے ٹی ایم سے نکلیں گی ٹی بی، شوگر اور ہائپر ٹینشن کی ادویات

Source: S.O. News Service | By Shahid Mukhtesar | Published on 18th July 2019, 11:41 PM | ملکی خبریں |

چنئی، 18 جولائی(ایس او نیوز/آئی این ایس انڈیا) ابھی تک آپ نے آٹومیٹڈ ٹیلر مشین (اے ٹی ایم) سے پیسے، دودھ اور کھانے پینے کی چیزیں ملتی دیکھی ہوں گی۔اب تمل ناڈو حکومت تیاری کر رہی ہے کہ لوگوں کو اے ٹی ایم سے ہی دوا بھی دی جا سکے۔ریاست کے وزیر اعلی ای کے پلانسامی نے بدھ کو بتایا کہ شروع میں 32 جگہوں پر یہ مشینیں لگائی جائیں گی۔اس میں سے 23 مشینیں سرکاری میڈیکل کالجوں اور شہر کے بنیادی صحت مراکز پر لگائی جائیں گی۔معلومات کے مطابق، ان مشینوں میں ٹی بی، ذبابطیس اور ہائپر ٹینشن جیسی بیماریوں کی ادویات ملیں گی۔محکمہ صحت کے ایک سینئر افسر نے کہاکہ مریضوں کو دوا کے لئے طویل لائنوں میں نہیں لگنا پڑے گا۔دواکے کاغذ پر لگے ایک کیو آر کوڈ کو اسکین کرکے مشین صحیح دوا دے دے گی۔ وزیر اعلی پلانسامی نے بتایا کہ 32 مقامات پر ان مشینوں کو لگانے کا خرچ 80 لاکھ روپے آئے گا۔ان مشینوں میں ادویات کو ذخیرہ کیا جا سکے گا۔یہ مشینیں دوا کے علاوہ اس کی کھوج اور ڈسٹری پر بھی نظر رکھ سکیں گی۔ایک سینئر افسر نے کہاکہ ہم چاہتے ہیں کہ مریض بغیر کسی مسئلے کے مفت ادویات مکمل استعمال کریں۔ بتا دیں کہ تمل ناڈو میڈیکل سروس کارپوریشن ادویات خریدتا ہے اور سرکاری اسپتالوں میں انہیں تقسیم کرتا ہے۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔