بنگلورو سے حج پروازیں 9جون سے کل 7 پروازیں راست مدینہ روانہ ہوں گی ۔ واپسی 16جولائی سے
بنگلورو، 28؍ مئی(ایس او نیوز) حج برائے 2022 کیلئے بنگلور ایمبارکیشن پوائنٹ سے حج پروازوں کی روانگی کا سلسلہ اگلے ماہ 9جون سے شروع ہوجائے گا- پہلی پرواز ایس وی -450-5615 عازمین کو لے کر صبح 5:55 بجے بنگلور ایرپورٹ سے اڑان بھرے گی اوراسی روز شب 9:10 بجے راست مدینہ منورہ پہنچے گی -دوسری پرواز 12 جون کو صبح 7:25 بجے بنگلور سے راست مدینہ منورہ روانہ ہوگی- تیسری پرواز 13جون کی درمیانی شب 00:40 بجے (شب 12:40) بنگلور سے روانہ ہوگی -اسی روز یعنی 13جون کو دوپروازیں روانہ ہوں گی -چوتھی پرواز 13 جون کو شام 17:55بجے روانہ ہوگی- 14 جون کو بھی دوحج پروازیں بنگلور سے روانہ ہوں گی -5 ویں پرواز 14جون کی صبح 11:10بجے روانہ ہوگی- جبکہ 6ویں پرواز 14جون کی سہ پہر 15:35بجے روانہ ہوگی- 7 ویں اورآخری حج پرواز 15جون کی شام 4:40بجے روانہ ہوگی -اس مرتبہ بنگلور سے جملہ 7 حج پروازیں روانہ ہوں گی-بنگلور سے روانہ ہونے والے حاجیوں کی واپسی کا سلسلہ 16 جون سے شروع ہوگا- واپسی جدہ ایرپورٹ سے بنگلور ہوگی -پہلی پرواز دوپہر 13:30بجے بنگلور ایرپورٹ پہنچے گی -کرناٹک کے حاجیوں کی واپسی بھی 7حج پروازوں کے ذریعہ ہوگی -واپسی کا سلسلہ 22جولائی تک جاری رہے گا- 22 جولائی کو جدہ ایرپورٹ سے اڑان بھرنے والی پرواز 23 جولائی کی صبح 7:55 بجے بنگلور لینڈ ہوگی -اس مرتبہ پہلی تین پروازوں سے روانہ ہونے والے حاجیوں کا سفر حج 38 دنوں کا ہوگا-چوتھی اور پانچویں پرواز سے روانہ ہونے والوں کا سفر 37 دنوں کا ہوگاجبکہ 6ویں اور 7ویں پرواز سے روانہ ہونے والوں کا سفر صبح 39 دنوں کا ہوگا-