کمٹہ میں سرکاری بس اور لاری کی ٹکر؛ 30 سے زائد زخمی

Source: S.O. News Service | By I.G. Bhatkali | Published on 1st January 2019, 9:58 PM | ساحلی خبریں |

کمٹہ یکم جنوری (ایس او نیوز) ضلع اُترکنڑا کے کمٹہ تعلقہ کے منکی میدان کے قریب نیشنل ہائی وے 66 پر تیز رفتار بس اور لاری کے درمیان ہوئے تصادم میں بس پر سوار 30 سے زائد لوگ زخمی ہوگئے، جنہیں کمٹہ سرکاری اسپتال میں داخل کیا گیا ہے۔

حادثہ منگل شام کو اُس وقت پیش آیاجب  پڑوسی ضلع شموگہ کے ساگر سے گوکرن کی طرف جانے والی سرکاری بس  مخالف سمت سے آنے والی لاری سے تیز رفتاری کے ساتھ ٹکراگئی۔ لاری ہبلی سے مینگلور جارہی تھی۔

حادثے میں  زخمی ہونے والوں میں لاری ڈرائیوربھی شامل ہے ، جس کاایک پیر بری طرح ٹوٹ گیا ہے، جبکہ ٹکر میں لاری اور بس کے اگلے حصے کو شدید نقصان پہنچا ہے۔

کمٹہ پولس تھانہ میں معاملہ درج کیا گیا ہے، پولس مزید چھان بین کررہی ہے۔

 

 

 

ایک نظر اس پر بھی

بھٹکل کا نوجوان اُدیاور میں ہوئے سڑک حادثہ میں شدید زخمی؛ علاج کے لئے مالی تعاون کی اپیل

بھٹکل مخدوم کالونی کا ایک نوجوان اُڈپی کے اُدیاور میں سڑک حادثہ میں شدید زخمی ہوا ہے اور اسے منی پال کستوربا اسپتال شفٹ کیا گیا ہے، نوجوان کی مالی حالت کمزور ہونے  کی وجہ سے علاج کے لئے  قریب تین لاکھ  روپیوں کی فوری ضرورت ہے۔ نوجوان کی شناخت سمیرسوکیری (34) کی حیثیت سے کی گئی ...

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

بھٹکل میں الحاج محی الدین مُنیری کے نام سے موسوم ہائی ٹیک ایمبولنس کا خوبصورت افتتاح

   یہاں نوائط کالونی میں  دبئی کے معروف تاجر جناب عتیق الرحمن  مُنیری کی طرف سے ان کے والد مرحوم الحاج محی الدین مُنیری کے نام سے منسوب ایک ہائی ٹیک ایمبولنس کا خوبصورت افتتاح عمل میں آیا جس میں بھٹکل کی سرکردہ شخصیات سمیت علماء و عمائدین   موجود تھے۔