بھٹکل 23/جون (ایس او نیوز)ٰ موبائل چوری کرنے والی ایک ٹولی کو آج اتوار کے دن پولس نے بے نقاب کردیا اورا ُن کے پاس سے چرائے گئے چاروں موبائل بھی برآمد کرلئے گئے۔
پولس ذرائع سے ملی اطلاع کے مطابق بھٹکل نیشنل ہائی وے پر ایکزی بیشن کے دوران لوگوں کے موبائل چوری ہونے کی وارداتیں پیش آرہی تھی، ایسے میں عمر فاروق نامی ایک شخص نے اپنا موبائل چوری ہونے کی شکایت درج کی، جس پر فوری کاروائی کرتے ہوئے پولس نے جال بچھادیا اور پہلے ایک چور کو گرفتار کیا، بعد میں اُسی کی مدد سے دیگر دو چوروں کو بھی گرفتار کیا گیا اور اُن کے پاس سے چوری کئے گئے چاروں موبائل برآمد کرلئے گئے۔
پولس ذرائع کے مطابق گرفتار شدگان کی شناخت محمد عمران (33)، اکرم سید (20) اور سید موسیٰ (21) کی حیثیت سے کی گئی ہے۔ ان کا تعلق بالترتیب بھٹکل کے گوپال کرشنا روڈ، گلمی اور حنیف آباد سے بتایا گیا ہے۔
بھٹکل ٹاون پولس تھانہ میں معاملہ درج کیا گیا ہے اور پولس ان سے مزید پوچھ تاچھ کرتے ہوئے چھان بین کررہی ہے۔