حافظ سعید دہشت گردی فنڈنگ معاملہ،این آئی اے کے3 افسران پر 2 کروڑ کی رشوت لینے کا الزام،ہواتبادلہ

Source: S.O. News Service | By Shahid Mukhtesar | Published on 20th August 2019, 10:07 PM | ملکی خبریں |

نئی دہلی، 20 اگست (ایس او نیوز/آئی این ایس انڈیا) قومی جانچ ایجنسی(این آئی اے) اپنے تین افسروں کی بدعنوانی معاملے میں تحقیقات کر رہی ہے۔ان تین افسروں میں ایک سپرنٹنڈنٹ آف پولیس (ایس پی) رینک کا افسر بھی شامل ہے۔الزام ہے کہ ان تینوں افسروں نے دہلی کے ایک تاجر کا نام دہشت گردی فنڈنگ معاملے میں نہیں لینے کے بدلے میں 2 کروڑ روپے مانگے۔این آئی اے نے ان تینوں افسروں کا تبادلہ کر دیا ہے۔ملزم ایس پی سمجھوتہ اور اجمیر شریف دہشت گرد معاملے کی جانچ میں بھی شامل رہا ہے،باقی دو میں ایک اے ایس آئی اور ایک فنگر پرنٹ ایکسپرٹ ہے۔یہ تینوں افسر فلاح انسانیت فاؤنڈیشن (ایف آئی ایف) کی تحقیقات کر رہے تھے، جسے ممبئی حملے کا ماسٹر مائنڈ اور لشکر طیبہ چیف حافظ سعید چلاتا ہے۔تاجر نے ایک ماہ قبل این آئی اے سے ایس پی اور دو جونیئر افسروں کی شکایت کی تھی۔ان الزامات کی تحقیقات این آئی اے نے ڈی آئی جی رینک کے افسر کو سونپی۔اس دوران تینوں افسروں کا تبادلہ کر دیا گیا، تاکہ تحقیقات پر کوئی اثر نہ پڑے۔ایک اہلکار نے کہا کہ این آئی اے نے ان الزامات کو بے حد سنجیدگی سے لیا ہے اور اسے رفع دفع کرنے کی کوشش بالکل نہیں کی جائے گی۔ذرائع نے بتایا کہ الزامات کو سنجیدگی سے لیا گیا ہے اور جیسے ہی انکوائری ختم ہو گی وزارت داخلہ فیصلہ لے گا کہ ان افسروں پر کیا ایکشن لیا جائے گا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...