واٹر ٹینک سانحہ:3انجینئر معطل مہلوکین کے ورثا کے لئے معاوضہ کا اعلان

Source: S.O. News Service | By Shahid Mukhtesar | Published on 19th June 2019, 10:58 AM | ریاستی خبریں |

بنگلورو:19؍جون (ایس او نیوز) ہیبال کے قریب زیر تعمیر ایس ٹی پی کی سینٹرنگ گرجانے سے تین افرادہلاک ہوگئے تھے- اس تعمیری کام کی نگرانی کرنے والے 3 انجینئروں کو معطل کردیا گیا ہے- جاری کئے گئے ایک پریس ریلیز کے مطابق ایکزی کیٹیو انجینئر سی ایم وینکٹ شواریڈی، اسسٹنٹ ایکزی کیٹیو انجینئر محمد حنیف اور بھاگیہ لکشمی کو معطل کیا گیا ہے-بی ڈبلیو ایس ایس بی ذرائع کے مطابق ریڈی موقع واردات پر حاضر نہیں تھے- جب کہ حنیف موقع واردات پر دس بجے تک رکے تھے بعد ازاں بنگلور کے ایک وزیر کی ہدایت پر عمل کرتے ہوئے ان کے حلقے میں ایک ایس ٹی پی کا معائنہ کرنے نکل گئے تھے اور موقع پر موجود بھاگیہ لکشمی نے سینٹرنگ کے معیار کی تصدیق نہیں کی- وزیر برائے دیہی ترقیات وپنچایت راج کرشنا بائرے گوڈا نے مہلوکین کے خاندان کو فی کس 5لاکھ روپئے معاوضہ دینے کا اعلان کیا ہے- ہیبال کی ایک اسپتال میں زخمیوں کی عیادت کرنے کے دوران بائرے گوڈا نے ریاستی حکومت کی جانب سے معاوضہ کا اعلان کیا- بی بی ڈبلیو ایس ایس بی کے چیرمین تشار گری ناتھ نے بتایا کہ معاوضہ کی رقم ٹھیکہ دار کی جانب سے دی جانی چاہئے- اگر ٹھیکہ دار یہ رقم ادا نہیں کرے گا تو بی ڈبلیو ایس ایس بی معاوضہ کی رقم ادا کرے گا- ٹھیکہ دار کے بل سے کاٹ لے گا- انہوں نے بتایا کہ ٹھیکہ دار کے خلاف سخت کارروائی کی جائے گی- بی ڈبلیو ایس ایس بی کے افسر نے بتایا کہ تعمیری کام صبح 5بجے شروع ہوگیا تھا- دریں اثناء زیر تعمیر ایس ٹی پی کی سینٹرنگ کے حادثے کی جانچ چینئی اسٹرکچرل انجیئرنگ ریسرچ سنٹر کے ذریعہ کروانے کا فیصلہ کیا گیا ہے- تشار گری ناتھ نے محکمہ برائے شہری ترقیات کو رپورٹ دیتے ہوئے کہا ہے کہ اس حادثہ کی جانچ غیر جانب دارانہ ہونی چاہئے اس لئے حادثے کی جانچ تیسرے فریق سے کروائی جائے-

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔