بھٹکل میں دو مختلف سڑک حادثات؛ بائک اور کار کی ٹکر میں دو زخمی، آٹو رکشہ اور لاری کی ٹکر میں ایک زخمی
بھٹکل 20 ستمبر (ایس او نیوز) بھٹکل میں آج اتوار کو ہوئےدو مختلف سڑک حادثات میں تین لوگ زخمی ہوگئے جن میں ایک سرکاری اسپتال سے ابتدائی طبی امداد کے بعد اُڈپی شفٹ کیا گیا ہے جبگہ دیگر دو کو قریبی اسپتال سے مرہم پٹی کرائی گئی ہے۔
ایک حادثہ بھٹکل تعلقہ کے بینگرے کے قریب نیشنل ہائی وے پر پیش آیا جب ایک کار کی بائک سے ٹکر ہوگئی۔ بائک سوار جن کا تعلق کائیکنی کے رہائشی بتائے گئے ہیں شدید زخمی ہوئے ہیں جن کی شناخت راما منجوناتھ موگیر (54) اور ناگراج راماا موگیر(22) کی حیثیت سےکی گئی ہے۔ بتایا گیا ہے کہ حادثے میں راما موگیر کو شدید چوٹ لگی ہے اور اسے اُڈپی اسپتال منتقل کیا گیا ہے۔
دوسرا حادثہ اتوار شام کو چڑھائی والے روڈ پر اربن بینک کے قریب پیش آیا، جب ایک آٹو رکشہ روڈ کنارے پارک ایک لاری سے پیچھے سے ٹکرا گیا۔ حادثہ میں زخمی ہونے والے کی شناخت رکشہ ڈرائیور مشتاق موڈا (36) کی حیثیت سے کی گئی ہے۔ بتایا گیا ہے کہ آٹو پر سوار مسافرمحفوظ رہ گئے، البتہ آٹو کا اگلا والے گلاس کو نقصان پہنچا ہے۔ پتہ چلا ہے کہ لاری بیجاپور سے مینگلور جانے کے لئے نکلی تھی مگر بھٹکل میں چڑھائی کے قریب سے ہائی وے پر سے آگے بڑھنے کے بجائے غلطی سے بھٹکل ٹاون کی طرف چڑھائی والے روڈ سے مین روڈ کی طرف گھس گئی تھی اربن بینک کے قریب لاری میں خرابی پیدا ہوگئی جس کی وجہ سے لاری مین روڈ پر ہی رُک گئی تھی، بتایا گیا ہے کہ لاری کے رُک کر دس منٹ میں ہی آٹو لاری کے پچھلے حصے سے ٹکراگیا۔