بھٹکل میں ایک کار سے ایک گولڈ بسکٹ سمیت دو سونے کی سلاخیں برآمد کرتے ہوئے دو لوگوں کو پولس نے کیا گرفتار

Source: S.O. News Service | By I.G. Bhatkali | Published on 6th August 2020, 1:33 PM | ساحلی خبریں |

بھٹکل 5 اگست (ایس او نیوز) بھٹکل میں بدھ کی دیر رات کو بھٹکل ٹاون پولس نے ایک کار پر سے ایک گولڈ بسکٹ سمیت دو سونے کی سلاخیں  برآمدکرتے ہوئے  کار پر سوار دو لوگوں کو گرفتار کرلیا ہے، بعد میں آج جمعرات صبح مزید دو لوگوں کو بھی  تحویل میں لئے جانے کی اطلاع موصول ہوئی ہے۔

پولس کے ایک ذرائع نے بتایا کہ   ہبلی سے تعلق رکھنے والے دو لوگ ایک کار پرسوار بھٹکل پھول مارکٹ کے قریب سونے کے ان بسکٹ اور سلاخوں کو  کسی کو فروخت کرنے کے ارادے سے پہنچے تھے، مگر پولس کے ہتھے چڑھ گئے۔ برآمد کئے گئے  سونے  کی  مالیت کا  اندازہ 45 سے 50 لاکھ روپیہ کا لگایا گیا ہے۔

ذرائع نے بتایا کہ رات کو جن دو لوگوں کو گرفتار کیا گیا ہے، اُن کی شناخت  شیلیش مادیو پاٹل  (33) اور  ویفول سنجے دیش مکھ  (25) کی حیثیت سے کی گئی ہے دونوں کا تعلق ہبلی سے ہے۔ ذرائع سے پتہ چلا ہے کہ ان دو لوگوں سے پوچھ تاچھ کے  بعد آج جمعرات کو مزید دو لوگوں کو حراست میں لیا گیا ہے۔ فی الحال ان کے تعلق سے  مزید جانکاری ملنی باقی ہے۔

سمجھا جارہا ہے کہ یہ لوگ  کہیں سے چوری کرکے سونے کی یہ سلاخیں  بھٹکل میں فروخت کرنے کے لئے آئے تھے۔ اس تعلق سے مزید چھان بین جاری ہے ۔ اس بات کی بھی جانکاری ابھی نہیں ملی ہے کہ  یہ سونا کسی گھر سے چرائے گئے تھے یا کسی دکان سے چرائے گئے تھے۔ پولس نے ان کی کار کو بھی اپنی تحویل میں لیا ہے.

بھٹکل پی ایس آئی بھرت اس تعلق سے  تحقیقات کررہے ہیں۔

ایک نظر اس پر بھی

کمٹہ:لاکھوں روپے مالیت کی غیر قانونی ساگوانی لکڑی لےجارہے دو ملزمین ہوئے گرفتار

کمٹہ تعلقہ کے کتگال میں غیر قانونی طور پر جنگل سے کاٹی ہوئی ساگوانی لکڑی لے جانے والے دو ملزمین کو محکمہ جنگلات کے افسران نے گرفتار کیا اور ان کے قبضے سے لکڑیاں ضبط کرلیں جس کی مالیت کا اندازہ لاکھو ں روپے لگایا گیا ہے۔

چلتی ٹرین پر سے مسافر گرپڑا؛ منکی ریلوے ٹریک پر ملی نعش؛ جیب سے برآمد ہونے والی رسید سے مہلوک کی ہوئی شناخت

چلتی ٹرین پر سے مسافر باہر گرنے سے اُس کی موت واقع ہوگئی جس کی شناخت  سنتوش کمار ایم (48) کی حیثیت سے کی گئی ہے۔ حادثہ  بھٹکل سے قریب 30 کلو میٹردور منکی ریلوے ٹریک پر  پیش آیا، جہاں ایک شخص کی نعش لاوارث حالت میں پڑی ہوئی تھی۔