ہندوستان کورونا کے 2.86 لاکھ نئے کیسز، ایکٹو کیسز 22 لاکھ سے متحاوز
نئی دہلی،28؍ جنوری (ایس او نیوز؍ایجنسی) ملک میں کورونا وائرس کے کیسز میں ایک بار پھر تیزی دکھائی دے رہی ہے۔ جمعرات کو بھی کورونا کے نئے کیسز 3 لاکھ کے قریب درج ہوئے ۔ گزشتہ 24 گھنٹوں کے دوران ملک بھر میں 2,86,384 نئے کیسز رپورٹ ہوئے ہیں۔ تاہم کل کے مقابلے میں کیسز میں صرف معمولی اضافہ درج کیا گیا۔
بدھ کو 2,85,914 نئے کورونا کیسز درج کیے گئے۔ ملک میں انفیکشن کے کل کیسز کی تعداد 4 کروڑ سے تجاوز کر گئی ہے۔ وزارت صحت نے جمعرات کو بتایا کہ گزشتہ 24 گھنٹوں کے دوران 573 مریضوں کی موت ہوئی ہے جبکہ اب تک مجموعی طور پر 4,91,700 افراد کورونا کی وجہ سے اپنی جان گنوا چکے ہیں۔اس وقت ہندوستان میں ایکٹیو کیسز 22 لاکھ (22,02,472) سے تجاوز کر چکے ہیں۔ تاہم گزشتہ 24 گھنٹوں کے دوران ایکٹو کیسز میں کمی آئی ہے کیونکہ گزشتہ 24 گھنٹوں کے دوران صحت یاب ہونے والے مریضوں کی تعداد نئے کیسز سے زیادہ تھی۔ ایکٹو کیسز کل کیسز کا 5.46 فیصد ہیں۔گزشتہ 24 گھنٹوں کے دوران 3,06,357 مریض صحت یاب ہوئے ہیں۔ اب تک 3,76,77,328 لوگ صحت یاب ہو چکے ہیں۔ صحت یابی کی شرح 93.33 فیصد ہے۔
یومیہ انفیکشن کی شرح یعنی یومیہ مثبت شرح 19.59 فیصد ہے جبکہ ہفتہ وار ی انفیکشن کی شرح 17.75 فیصد ہے۔ملک گیر ویکسی نیشن مہم کے تحت اب تک لوگوں کو ویکسین کی 163.84 کروڑ خوراکیں دی جا چکی ہیں۔ ٹیسٹنگ کی بات کریں تو اب تک 72.21 کروڑ کورونا ٹیسٹ کیے جا چکے ہیں، جس میں گزشتہ 24 گھنٹوں میں کیے گئے 14,62,261 ٹیسٹ شامل ہیں۔