کرناٹکا میں کورونا کے بڑھتے معاملات؛ آج دوپہر تک 26 نئے کیسس؛ تعداد بڑھ کر ہوگئی 951، بیدر میں سب سے زیادہ 11 کیسس
بنگلور13مئی (ایس او نیوز) ریاست میں کورونا کے معاملات دن بدن بڑھتے جارہے ہیں، آج بدھ صبح 12 بجے کی بلٹین میں رپورٹ دی گئی ہے کہ کل شام سے آج صبح تک کورونا کے 26نئے کیسس سامنے آئے ہیں جس کےساتھ ہی کورونا سے متاثرہ مریضوں کی تعداد بڑھ کر 951 تک پہنچ گئی ہے۔
ریاست میں آج سب سے زیادہ کورونا کے معاملات بیدر سے سامنےآئے ہیں جہاں17 سال یا اس سے کم عمر چار بچوں سمیت 11 کی رپورٹ پوزیٹیو آئی ہے، ہاسن میں 14سالہ لڑکی سمیت چار لوگوں کی رپورٹ پوزیٹو آئی ہے اسی طرح ضلع اُترکنڑا ، داونگیرے ، کلبرگی اور بیجاپور میں دو۔ دو، جنوبی کینرا ، بنگلور (شہر) اور بلاری میں ایک ایک معاملات سامنے آئے ہیں۔
خیال رہے کہ 951 کورونا کے معاملات میں 442 افراد صحت یاب ہوکر اسپتال سے ڈسچارج بھی ہوچکےہیں، جبکہ 32 لوگوں کی جانیں تلف ہوئی ہیں۔