گوا 12 مئی (ایس او نیوز) گوا کی وزیر صحت کی طرف سے دئے گئے بیان کے مطابق گوا کے سرکاری میڈیکل کالج اور اسپتال میں داخل 26 کووڈ مریضوں کی موت واقع ہوئی ہے اور ہائی کورٹ سے ان اموات کی تحقیقات کی مانگ کی گئی ہے۔
وزیر موصوف کا کہنا ہے کہ سرکاری اسپتال میں صبح 2 اور 6 بجے کے درمیان یہ اموات واقع ہوئی ہیں، لیکن اس کے اسباب کا پتہ ابھی تک چل نہیں سکا ہے۔ جبکہ گوا کے وزیر اعلیٰ نے گوا میڈیکل کالج اینڈ ہاسپٹل کا دورہ کرنے کے بعد کہا کہ کووِڈ وارڈ میں آکسیجن کی سپلائی میں ہوئی کسی گڑبڑ کی وجہ سے مریضوں کے لئے کچھ مسائل پیدا ہونے کے امکانات ہیں۔
انہوں نے کہا کہ میڈیکل کالج کے اسپتال میں میڈیکل آکسیجن کے 1200 جمبو سلینڈرس درکار ہیں۔ اس میں سے صرف 400 سلینڈرس فراہم کیے گئے ہیں۔ اگر میڈیکل آکسیجن کی سربراہی میں کوئی مسئلہ یا قلت ہے تو اسے حل کرنے کے لئے غور کیا جانا چاہیے۔