نئی دہلی،4؍جولائی(ایس او نیوز؍ایجنسی) کورونا کے قہرکا سامنا کرنے والے دارالحکومت کے لئے ہفتہ کے روز راحت کی بات یہ رہی کہ نئے مریضوں کی بنسبت صحت یاب ہونے والے مریضوں کی تعداد زیادہ رہی اورممنوعہ علاقوں کی تعداد بھی کم ہوکر 430 رہ گئی ہے۔

دہلی حکومت کی وزارت صحت کی جانب سے جاری کردہ کل کے اعداد و شمار کے مطابق، گذشتہ 24 گھنٹوں کے دوران،2505 نئے معاملوں کے ساتھ متاثرین کی تعداد 97200 ہوگئی ہے۔اس دوران 2632 مریضوں کے صحت یاب ہونے کے بعد اب تک 68ہزار 256 ٹھیک ہوچکے ہیں۔

اس مدت میں ممنوعہ علاقوں کی تعداد 445 سے گھٹ کر 430رہ گئی ہے۔کورونا سے اس دوران 81 اموات کے بعد مرنے والوں کی تعداد 3004 سے زیادہ ہوگئی۔

حکومت کا کہنا ہے کہ پچھلے 24 گھنٹوں کے دوران 55 مریضوں کی موت ہوگئی جبکہ 26 پہلے کی تھی، جن کی رپورٹ بعد میں ملی ہے۔

23 جون کو دہلی میں 3947 ایک دن کے سب سے زیادہ معاملے آئے تھے۔آج فعال معاملے کی تعداد 25940 ہے۔ کورونا جانچ میں پچھلے کچھ دنوں میں آئی تیزی سے کل جانچ کی تعداد 620368 تک پہنچ گئی،گذشتہ 24گھنٹوں میں دہلی میں 23673 ٹیسٹ کئے گئے۔ اس میں آر ٹی پی سی آر ٹیسٹ 9925 اور ریپڈ اینٹی زون13748 تھے۔ کل ریکارڈ 24165ٹیسٹ کئے گئے تھے۔ دہلی میں دس لاکھ کی آبادی پرجانچ کی اوسط بھی بڑھ کر 32650 ہوگئی۔