بھٹکل کے دیہی علاقوں میں پھر کورونا پوزیٹیو کے معاملات؛ اُترکنڑا میں کورونا کا ہندسہ پھر پہنچا سو کے پار
بھٹکل 24 جولائی (ایس او نیوز) بھٹکل کے دیہاتی علاقوں میں کورونا کے بڑھتے معاملات سے دیہی علاقوں میں رہنے والوں میں خوف وہراس بڑھتی جارہی ہے۔ آج جمعہ کو بھی دیہی علاقوں میں کورونا پوزیٹیو کے کیسس سامنے آئے ہیں۔
ذرائع سے ملی اطلاع کے مطابق آج جمعہ کو بھٹکل میں 24 کورونا پوزیٹیو معاملات کی تصدیق ہوئی ہے جس میں مُٹھلی سے 4، شرالی سے 3، بیلکے ، منڈلی اور آزاد نگر سے 2، 2، کارگیدے، ساگر روڈ ڈی پی کالونی ، ہیبلے ، گورٹے، بیلنی، پورورگا، ہندو نگر ، قدوائی روڈ سے ایک ایک، اسی طرح مضافاتی پولس تھانہ کے دو اہلکاروں کی رپورٹ بھی پوزیٹیو آئی ہے۔
بھٹکل سے 24 معاملات کے ساتھ ساتھ آج کمٹہ سے 30، سرسی سے 23، ہلیال سے 14، ہوناور اور سداپور سے 4، 4، جوئیڈا سے 2 اور انکولہ سے ایک کی رپورٹ پوزیٹو آئی ہے۔ اس طرح ضلع شمالی کینرا میں آج کورونا پوزیٹیو کے جملہ 102 معاملے درج کئے گئے ہیں۔
ذرائع سے ملی اطلاع کے مطابق کورنا پوزیٹیو کے بڑھتے معاملات کے دوران آج ہلیال سے 15، انکولہ سے 15، کمٹہ سے 12، ہوناور سے 5 ، کاروار سے 4 اور سرسی ، سداپور سے ایک ایک یعنی جملہ 53 لوگ صحت یاب ہوکر گھر بھی بھیجے گئے ہیں۔
