بی جے پی کے پٹنہ دفتر میں کہرام! 25 افراد کورونا سے متاثر

Source: S.O. News Service | Published on 14th July 2020, 2:12 PM | ملکی خبریں |

پٹنہ،14؍جولائی (ایس او نیوز؍ایجنسی) بہار کی راجدھانی پٹنہ میں موجود ریاستی بی جے پی کے دفتر میں ایک ہی وقت میں 25 افراد کورونا وائرس سے متاثر پائے گئے ہیں جس کے بعد پارٹی میں کہرام مچ گیا ہے۔ دفتر سے وابستہ متعدد لیڈران اور کارکنان کے سیمپل لئے گئے ہیں اور ان کی رپورٹ دھیرے دھیر آ رہی ہے، لہذا کورونا وائرس سے متاثرہ مریضوں کی تعداد میں اضافہ ہو سکتا ہے۔

میڈیا رپورٹ کے مطابق یہ خبر ایسے وقت میں منظر عام پر آ رہی ہے جب بہار میں کورونا وائرس کے خلاف تحریک کے تئیں حزب اقتدار اور حزب اختلاف میں پہلے ہی چنگ چل رہی ہے۔ واضح رہے کہ اس کے پہلے بہار میں کئی لیڈران اور ان کے دفاتر میں کام کرنے والے ملازمین کورونا کی زد میں آ چکے ہیں۔

منگل کے روز ہی نتیش کمار کے وزرا کے ایک اور رکن شیلیش کمار کورونا پازیٹو پائے گئے ہیں۔ اس کے علاوہ آر جے ڈی اور بی جے پی کے ایک ایک رکن اسمبلی بھی کورونا سے متاثر ہیں۔ اتنا ہی نہیں راجدھانی پٹنہ میں چیف سکریٹری کو اپنے گھر سے کام کرنا پڑ رہا ہے کیونکہ ان کے دفتر میں کئی ملازمین کورونا پازیٹو پائے گئے ہیں۔ اس سے پہلے بہار کے نائب زیر اعلیٰ سشیل مودی کے دفتر میں بھی کئی ملازمین میں کورونا کی تصدیق کی گئی ہے۔

راج بھون اور وزیر اعلیٰ کی رہائش میں بھی کئی حفاظتی اہلکار کورونا پازیٹو پائے گئے۔ بہار میں کورونا وائرس کے کیسز کی کل تعداد کریں تو یہاں پر پیر کے رو تک کل کیسز کی تعداد بڑھ کر 17421 ہو گئی ہے۔ پیر کے روز پہلے 24 گھنٹےھ کے دوران 9 اور لوگوں کے جان چلی گئی جس کے بعد اس بیماری سے مرنے والوں کی تعداد 134 تک پہنچ گئی ہے۔

ایک نظر اس پر بھی

کورونا: ہندوستان میں ہلاکتوں کی تعداد 46 ہزار کے پار، 24 گھنٹے میں پھر 60 ہزار سے زائد کیسز درج

ہندوستان میں کورونا وائرس کے بڑھتے قہرکے درمیان اس جان لیوا وبا سے شفایابی حاصل کرنے والوں کی تعداد میں بھی تیزی سے اضافہ ہورہا ہے اور گذشتہ 24 گھنٹوں کے دوران 56 ہزار سے زیادہ افراد کی شفایابی کے بعد اب تک تقریبا 16.40 لاکھ صحت مند ہوئے ہیں۔