کورونا اَپ ڈیٹ: جنوبی کینرا میں سعودی سے لوٹنے والے 21افراد سمیت 23پوزیٹیو۔ اڈپی ضلع میں کوئی تازہ معاملہ نہیں
منگلورو18/جون (ایس او نیوز) آج شام کو ملنے والی رپورٹ کے مطابق جنوبی کینرا میں جملہ 23کووِڈ پوزیٹیو معاملے سامنے آئے ہیں، جن میں 21لوگ سعودی عربیہ سے واپس لوٹے ہیں۔ جبکہ اڈپی ضلع میں آج ایک بھی پوزیٹیو کیس ہونے کی رپورٹ نہیں ہے۔
جنوبی کینرا میں آج پوزیٹیو نکلنے والے 23مریضوں میں 21مرد اور 2خواتین شامل ہیں۔سعودی سے لوٹنے والے افراد کو چھوڑ کر بقیہ دو مریضوں کے بارے میں پتہ چلا ہے کہ وہ مریض نمبر6618سے رابطے میں آنے کی وجہ سے اس بیماری کاشکار ہوئے ہیں۔
اڈپی میں آج 38افراد کو صحت یاب ہونے کے بعد اسپتال سے چھٹی دی گئی اس طرح اب تک صحت یاب ہونے والے مریضوں کی تعداد 946 ہوگئی ہے۔جبکہ اب تک مرض کا شکار ہونے والے 1,039لوگوں میں سے 946مریض شفایاب ہوچکے ہیں اور ایک شخص کی موت واقع ہوگئی ہے۔