منگلورو،10؍جون (ایس او نیوز) ڈپٹی کمشنر جنوبی کینرا کی طرف سے جاری کی گئی ہیلتھ بلیٹین کے مطابق 9جون کو کُل 23افراد کی جانچ رپورٹ پوزیٹیو آئی ہے۔ جبکہ اڈپی سے جاری کیے گئے بلیٹین سے پتہ چلتا ہے کہ کل وہاں پر کوئی بھی نیا پوزیٹیو کیس سامنے نہیں آیا ہے۔

جنوبی کینرا میں پوزیٹیو نکلنے والے تمام 23مرد ہیں اور ان میں سے 2مہاراشٹر ا،تین دبئی سے اور 18سعوی عربیہ سے سے واپس لوٹے ہوئے لوگ ہیں۔ان تمام مریضوں کوعلاج کے لئے ضلع کووِڈ اسپتال میں داخل کیا گیا ہے۔اس طرح جنوبی کینرا میں جملہ متاثرین کی تعداد 218 ہوگئی ہے۔9جون کو وینلاک اسپتال سے 16افراد کو ڈسچارج کیا گیا ہے، جن میں 10مرد، پانچ خواتین اور ایک لڑکا شامل ہے۔42افراد کو نگرانی کے لئے اسپتال میں داخل کیا گیا ہے۔فی الحال 96 ایکٹیو کیس موجود ہیں، جبکہ 115افراد صحت یاب ہوچکے ہیں اور 7مریضوں کی موت واقع ہوئی ہے۔

اڈپی ضلع انتظامیہ کی جانب سے جاری کی گئی بلیٹین کے مطابق وہاں پر 9جون کو کوئی بھی نیا پوزیٹیو کیس نہیں نکلا ہے۔اس وقت متاثرین کی تعداد946 ہے جس میں سے 641 ایکٹیو معاملات ہیں، جبکہ ایک مریض کی موت کے ساتھ جملہ 304مریض صحت یا ب ہوچکے ہیں۔305افراد کو ہوم کوارنٹین میں اور 185 لوگوں کو سرکاری کوارنٹین میں رکھا گیا ہے۔7افراد کو کل منگل کو اسپتال سے ڈسچارج بھی کیا گیا ہے۔