اُڈپی:27؍مارچ (ایس او نیوز)اُڈپی ۔چک منگلورو لوک سبھا حلقہ سے لوک سبھا انتخابات کے لئے منگل کو 7امیدواروں کی طرف سے 11پرچہ نامزدگیاں داخل کی گئیں۔ اس طرح حلقہ میں کل 14امیدواروں نے 26پرچہ نامزدگیاں داخل ہونے کی ڈپٹی کمشنر ہیپسبا رانی کورلپاٹی نے پریس کانفرنس کے ذریعے جانکاری دی ۔

پرچہ نامزدگی داخل کئے امیدواروں کی تفصیل اس طرح ہے۔ بی جےپی سے شوبھا کرندلاجے 4سیٹ، جے ڈی ایس سے پرمود مدھواراج 4سیٹ، بی ایس پی سے پرمیشور پی  2سیٹ، پرائوٹیسٹ سرو سماج سے ایم کے دیانند 2سیٹ، شیو سینا سے پی گوتم پربھو2سیٹ، اوتم پرجاکرئیے پارٹی سے سریش کندر ،کمیونسٹ پارٹی آف انڈیا(ایم ) سے وجئے کماراورریپبلک پارٹی آف انڈیا سے شیکھر ہاونجے نے ایک ایک سیٹ پرچہ نامزدگی داخل کی ہیں۔ آزاد امیدوار کی حیثیت سے کے سی پرکاش، امرت شنئی، عبدالرحمان، سدھیر کانچن، گنپتی شٹگار، ایم کے گنیش کی جانب سے کل 8پرچہ نامزدگیاں داخل ہوئی ہیں۔ اس موقع پر ایس پی نیشا جیمس، اپر ڈی سی ودیاکماری وغیرہ موجود تھیں۔