تمل ناڈو کا نظام ناگپور سے نہیں چلنے دیں گے: راہل گاندھی
کرشنا گری،13؍اپریل(ایس او نیوز؍یواین آئی) کانگریس صدر راہل گاندھی نے جمعہ کو زور دےکر کہا کہ تمل ناڈو کا نظام کبھی بھی ناگپور سے نہیں ہونے دیا جائےگا اور یہاں کے لوگوں کی حکومت ریاست سے ہی ہوگی اور ڈی ایم کے سربراہ ایم کے اسٹالن نئے وزیراعلی ہوں گے۔
راہل گاندھی نے 18اپریل کو ہونے والے لوک سبھا انتخابات کےلئے سیکولر پروگریسو الائنس(ایس پی اے)کے امیدواروں کی حمایت کرتے ہوئے جمعہ کو کہا کہ ریاست کے اگلے وزیراعلی اسٹالن ہوں گے۔
راہل گاندھی نے مزید کہا ،’’ہمارا اتحاد تمل ناڈو کے لوگوں کےلئے ہے کیونکہ کانگریس اور ڈی ایم کے دونوں ہی سماجی انصاف، سیکولرزم ، آزادی، انصاف اور اظہار رائے کی آزادی میں یقین رکھتی ہیں۔‘‘
راہل گاندھی نے کہاکہ ناگپور میں راشٹریہ سویم سیوک سنگھ کا ہیڈکوارٹر ہے اور وہ کبھی ریات کے لوگوں کا نظام ناگپور سے نہیں چلنے دیں گے۔تمل ناڈو کی حکومت ریاست سے ہی ہوگی، اسٹالن ہی نئے وزیراعلی بننے جارہے ہیں۔
خواتین کے لئے سرکاری نوکریاں،مقننہ میں 33 فیصد ریزرویشن کے پارٹی کے وعدوں کو دہراتے ہوئے انہوں نے کہا،’’مرکز میں حکومت بننے کے بعد ہم خواتین کو لوک سبھا ،راجیہ سبھا اور اسمبلیوں میں 33 فیصد ریزرویشن دینے جارہے ہیں۔‘‘ راہل گاندھی نے بی جےپی کی قیادت والی حکومت پر ریاست کے لوگوں کے خلاف نفرت کی سیاست میں ملوث ہونے کا الزام لگاتے ہوئے کہا کہ اگر کانگریس اقتدار میں آتی ہے تو وہ غریبی پر ’سرجیکل اسٹرائک‘کریں گے۔
راہل گاندھی نے وزیراعظم نریندرمودی پر طنز کرتے ہوئے کہا کہ انہوں نے ملک کے ہر شہری کے بینک کھاتے میں 15-15لاکھ روپے ڈالنے کا وعدہ کیاتھا لیکن وہ جانتے تھے کہ یہ ممکن نہیں ہے اور یہ میں یہ جاننا چاہتا ہوں کہ ملک کے ہر شہری کے کھاتے میں حقیقت میں کتنی رقم ڈالی جاسکتی ہے۔
انہوں نے کہا، ’’میں حقیقت میں بڑے اصول نہیں چاہتا بلکہ حقیقی اعدادو شمار چاہتا ہوں اور میں ملک کی معیشت کو بھی ختم نہیں کرنا چاہتا۔میں غریبی کو ختم کرنا چاہتا ہوں اور گزشتہ پانچ برسوں میں راہل مودی نے صرف 15 لوگوں کےلئے ہی حکومت چلائی ہے جس میں ان کے دوست انل امبانی، نیرو مودی اور دیگر لوگ شامل ہیں۔