ضلع شمالی کینرا میں موجود ہیں80سال سے زائدعمر کے 20ہزار ووٹرس
کاروار10؍اپریل (ایس او نیوز) ضلع شمالی کینرا میں شائع ہونے والی حتمی فہرست رائے دہندگان میں 80سال سے زائد عمر والے ووٹرس کی تعداد20242 ہزار ہونے کی بات سامنے آئی ہے۔ایسے ضعیف اور بڑی عمر کے ووٹرس کو پولنگ بوتھ تک لا نا اور ان سے ووٹنگ کروانا بھی ایک اہم مسئلہ بن گیا ہے۔
الیکشن کمیشن کی ویب سائٹ پر موجود رپورٹ سے معلوم ہوتا ہے کہ دیہی علاقوں میں بزرگ ووٹرس کی تعداد ہے۔20242بزرگ ووٹرس میں 80تا90سال کی عمر والے17,740ووٹرس ہیں جبکہ 90سے99سال عمر والے ووٹرس کی تعداد 2,436ہے۔سوسال کی عمر پار کرنے والے ووٹرس کی تعداد 66ہے۔ان بزرگ ووٹروں میں بہت سارے ووٹرس عمر کے ساتھ در آنے والی بیماریوں کا بھی شکار ہیں۔کئی افراد چلنے پھرنے سے معذور بھی ہیں۔
ووٹر فہرست کے مطابق انتخاب میں اپنا حق رائے دہی استعمال کرنے والوں میں 20سے 29سال کی درمیانی عمر کے لوگوں کی تعداد2,34,409ہے۔30سے39سال کی عمر والے ووٹرس کی تعدادسب سے زیادہ یعنی 2,83409ہے۔ 40سے49سال کے عمر والوں کی تعداد2,35,491 اور 50سے 59سال کے ووٹرس کی تعداد 1,82,635ہے جبکہ 70سے79سال والے ووٹرس55,585ہیں۔