الجزائر میں گاڑی کے حادثے میں 20 افراد ہلاک ، 11 زخمی

Source: S.O. News Service | Published on 2nd January 2021, 8:47 PM | عالمی خبریں |

دبئی،2جنوری (آئی این ایس انڈیا)الجزائرمیں ٹریفک کے ایک حادثے میں 20 افراد ہلاک اور گیارہ زخمی ہوگئے ہیں۔

الجزائر کے سول پروٹیکشن یونٹ نے بتایا ہے کہ ملک کے جنوب میں واقع صوبہ تامنراست میں شاہراہ پر ایک پک اپ ٹرک الٹ گیا ہے،اس پرافریقی شہری سوار تھے۔ ان میں بچّے بھی شامل تھے۔

حادثے میں گاڑی مکمل طور پر تباہ ہوگئی ہے۔ زخمیوں کو جائے وقوعہ پر ابتدائی طبی امداد دینے کے بعد ایک اسپتال میں منتقل کردیا گیا ہے۔

تامنراست الجزائر کی مالی اور نیجر کی سرحد کے نزدیک مرکزی شاہراہ پر واقع ہے۔اسی کے روٹ کے ذریعے سب صحارا افریقا سے تعلق رکھنے والے غیرقانونی تارکین وطن بحرمتوسط تک پہنچتے ہیں اور اس کو عبور کرنے کے بعد یورپ میں داخل ہوتے ہیں۔

حالیہ برسوں کے دوران میں سب صحارا افریقا سے تعلق رکھنے والے تارکینِ وطن کی ایک بڑی تعداد نے الجزائر کے جنوبی علاقوں کا رُخ کیا ہے۔سول پروٹیکشن یونٹ ڈرائیوروں پرزوردیتا رہتا ہے کہ وہ الجزائر کے ٹریفک قوانین کا احترام کریں۔سرکاری اعداد وشمار کے مطابق الجزائر میں 2019ء میں ٹریفک حادثات میں تین ہزار افراد ہلاک ہوگئے تھے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...