پروا ایکسپریس کےڈبے پٹری سے اترے، 20 مسافر زخمی

Source: S.O. News Service | By Shahid Mukhtesar | Published on 20th April 2019, 7:57 PM | ملکی خبریں | ان خبروں کو پڑھنا مت بھولئے |

کانپور،20؍اپریل(ایس او نیوز؍یو این آئی) اتر پردیش میں دہلی -ہوڑہ ریل روٹ پر کانپور کے روما سیکشن میں ہفتہ کو پروا ایکسپریس کے ڈبے پٹری سے اترجانے کی وجہ سے کم از کم 20 مسافر زخمی ہو گئے۔

پولس ذرائع نے بتایا کہ کانپور سینٹرل ا سٹیشن سے تقریباً 15 کلو میٹر پہلے رات تقریباً 12:55 بجے یہ حادثہ اس وقت ہوا جب ہوڑہ سے نئی دہلی جا رہی 12303 پروا ایکسپریس تیز دھماکے کے ساتھ دو حصوں میں تقسیم ہو گئی اور یکے بعد دیگرے ٹرین کی 12 بوگیاں پٹری سے اتر گئیں۔ ان میں سے کچھ بوگیاں الٹ گئیں، اس حادثے میں کم از کم 20 مسافروں کے زخمی ہونے کی اطلاعات ہیں جن میں چار کی حالت نازک بتائی گئی ہے۔

حادثے کے بعد مسافروں کی چیخ پکار سن کر گاؤں والوں نے ٹرین میں پھنسے مسافروں کو باہر نکالنا شروع کیا، اطلاع ملتے ہی پولس انتظامیہ کے اعلی عہدیدار موقع پر پہنچے۔ راحت رسانی کی ٹیموں نے امدادی کام شروع کردیا ہے۔ زخمیوں کو کانشی رام ٹراما سینٹر اور ہیلٹ اسپتال میں داخل کرایا گیا ہے۔

ضلع مجسٹریٹ وجے وشواس پنت نے بتایا کہ حادثے کےسبب کئی ٹرینوں كو جیوں کا تیوں روک دیا گیا۔ اس حادثے میں کسی جانی نقصان کی اطلاع نہیں ہے، معمولی زخمیوں کو ابتدائی طبی امداد کے بعد اور دیگر مسافروں کو خصوصی ٹرین کے ذریعے ان کی منزل تک بھیجا جا رہا ہے، ٹرین کے آٹھ ڈبے مکمل طور پر پلٹ گئے ہے۔ حادثے سے ریلوے ٹریک کو نقصان پہنچا ہے۔

ریلوے انتظامیہ کے ذرائع نے بتایا کہ جائے حادثہ پر امدادی اور ریسکیو آپریشن تیزی کے ساتھ جاری ہے۔ خراب بوگیوں کو ٹریک سے ہٹا یا جا رہا ہے، دوپہر بعد تک دہلی ہوڑہ ریل روڈ پر ٹریفک بحال کیے جانے کا امکان ہے، اس دوران الہ آباد سے کچھ ٹرینوں کے روٹ کو تبدیل کر کے روانہ کیا گیا ہے۔

ایک نظر اس پر بھی

ملپے میں پاکستانی دہشت گرد موجود ہونے کی خبر۔سوشیل میڈیا پرہوئی وائرل۔ کوسٹ گارڈ پولیس نے کی وضاحت

سوشیل میڈیا اور کچھ الیکٹرانک میڈیا پر آج یہ خبر وائرل ہوئی ہے کہ بندرگاہی شہر ملپے میں ایک پاکستانی دہشت گرد موجود ہے جو تملناڈو سے فرار ہوکر یہاں کسی مقام پر چھپ گیا ہے۔

منگلورو میں جعلی دستاویزات کے ذریعے بینکوں اورگاڑیوں کے مالکان کو دھوکہ دینے والی4رکنی ٹولی گرفتار

منگلورو سٹی نارتھ کے اسپیشل کرائم ویجیلنس اسکواڈ اور اکنامک اینڈ نارکوٹک کرائم سے وابستہ پولیس افسران نے جعلی دستاویزات کے ذریعے بینکوں اور موٹر گاڑیوں کے مالکان کو لوٹنے والی چار رکنی ٹولی کو گرفتا ر کرلیا ہے۔

منگلورو میں کولشیکر کے قریب ریلوے پٹری پر زمین کھسک گئی؛ مینگلور سے گوا اورممبئی جانے والی ٹرین سروس متاثر؛ کئی ٹرینیں رد

تعلقہ کے کُولشیکر کے قریب پہاڑی  زمین کھسکنے  سے ریلوے ٹریک پر بہت ہی زیادہ مٹی اور کیچڑ کا ڈھیر لگ گیا  جس  کے نتیجے میں منگلورو اور اس روٹ پر آگے کی طرف جانے اور منگلورو کی طرف سے گوا اور ممبئی کی طرف چلنے والی ٹرین سروس متاثر ہوگئی۔  واردات جمعہ کو پیش آئی ہے۔