منگلورو : گانجہ فروشی معاملہ میں مزید 2 ڈاکٹر گرفتار - ملزمین کی تعداد 15 ہوگئی
منگلورو 13 / جنوری (ایس او نیوز) سٹی پولیس نے گانجہ نوشی / فروشی کے الزام میں مزید 2 ڈاکٹروں کو گرفتار کیا ہے جن کی شناخت اننت پور آندھرا پردیش کے رہنے والے ڈاکٹر راگھو دتّا (28 سال) اور السور بنگلورو کے رہنے والے ڈاکٹر بالاجی (29 سال) کے طور پر کی گئی ہے ۔
ذرائع سے ملی اطلاع کے مطابق ڈاکٹر راگھو دتّا فی الحال منگلورو کے اتّاور میں مقیم ہے اور انیستھیزیا (سرجری سے پہلے مریض کو بیہوش کرنا) میں پوسٹ گریجویشن کا طالب علم ہے جبکہ ڈاکٹر بالاجی شہر کے فلنیر علاقے میں مقیم ہے اور جنرل میڈیسین میں پوسٹ گریجویشن (ایم ڈی) کا طالب علم ہے ۔ ان دو ڈاکٹروں کی گرفتاری کے ساتھ گانجہ نوشی / فروشی ریکیٹ میں شامل ڈاکٹروں اور میڈیکل اسٹوڈنٹس سمیت گرفتار ملزمین کی تعداد 15 ہوگئی ہے ۔