بھٹکل کا ایک شخص سمیت اُترکنڑا میں پھر دو لوگوں کی رپورٹ پوزیٹیو؛ بھٹکل کا ایک نوجوان سمیت 6 لوگ ہوئے ڈسچارج

Source: S.O. News Service | By I.G. Bhatkali | Published on 27th June 2020, 10:24 PM | ساحلی خبریں |

بھٹکل 27/جون (ایس او نیوز) اُترکنڑا میں آج پھر دولوگوں کی رپورٹ کورونا پوزیٹیو آئی ہے جس میں ایک خاتون  ہوناور کی ہے تو دوسرا شخص بھٹکل کا ہے۔

پتہ چلا ہے کہ بھٹکل کے مخدوم کالونی کا رہنے والا 38 سالہ شخص چھ روز قبل وجئے واڑا (اندھرا پردیش) سے بھٹکل پہنچا تھا اور اسے آتے ہی سرکاری اسکول  سونارکیری میں کورنٹائن کیا گیا تھا، اس کی رپورٹ آج کورونا پوزیٹیو نکلی ہے۔ بتایا گیا ہے کہ اس کی بیوی جو   وجے واڑہ سے 31 مئی کو بھٹکل پہنچی تھی، اُس کی بھی رپورٹ 5 جون کو پوزیٹیو آئی تھی، مگر وہ خاتون  14 جون کو  صحت یاب ہوکر کاروار اسپتال سے  ڈسچارج ہوچکی ہے۔

بھٹکل کے شخص کی رپورٹ پوزیٹیو آنے کی اطلاع ملتے ہی اسے سرکاری اسکول سے بذریعہ ایمبولنس کاروار لے جایا گیا ہے۔

ہوناورمیں آج جس 32 سالہ خاتون کی رپورٹ کورونا پوزیٹو آئی ہے، وہ  گذشتہ روز اپنے شوہر اور دو سالہ بچے کے ساتھ ممبئی سے لوٹی تھی اور تینوں کو   ہوناور پہنچنے پر کورنٹائن کیا گیا تھا، جمعہ کو  اس کے شوہر اور دو سالہ بچے کی رپورٹ کورونا پوزیٹو آئی تھی آج اس کی بھی رپورٹ پوزیٹیو نکلی۔  

چھ لوگ صحت یاب ہوکر ڈسچارج:   کاروار اسپتال میں ایڈمٹ کورونا کے چھ لوگوں کی  رپورٹ آج نیگیٹیو آنے کی بنیاد پر انہیں ڈسچارج کیا گیا ہے جس میں  بھٹکل کا ایک   18 سالہ نوجوان بھی شامل ہے۔ دیگر لوگوں میں  13 سالہ لڑکا، 65سالہ عورت، 65سالہ شخص، 50 سالہ شخص اور 19 سالہ لڑکی شامل ہیں جنہیں  صحت یاب ہونے پر ڈسچارج کیا گیا ہے۔

خیال رہے کہ  جمعرات کو بھی کمس سے  دس  لوگوں کو ڈسچارج کیا گیا تھا جس میں بھٹکل کے چار لوگ شامل تھے۔ جمعرات کو ڈسچارج ہونے والے بھٹکل کے چار لوگوں میں  دبئی سے لوٹی ہوئی ایک خاتون اور ممبئی سے لوٹے ہوئے تین لوگ   شامل ہیں۔

اب کاروار انسٹی ٹیوٹ آف میڈیکل سائنس (کمس) میں 35 کورونا سے متاثرہ لوگ روبہ صحت ہیں، پتہ چلا ہے کہ ان میں ایک انکولہ کا  45 سالہ شخص آئی سی یو میں ایڈمٹ ہے۔ دیگر تمام لوگوں کی صحت بالکل ٹھیک ہے۔

 

ایک نظر اس پر بھی

بھٹکل میں نجی اسپتال کی نرس کو لگ گیا کورونا کا مرض۔ایس ایس ایل سی کی طالبہ نرس کی بیٹی کو کیا گیا ہوم کوارنٹین

ایک نجی اسپتال میں خدمات انجام دینے والی نرس کو کووِڈ کا مرض لاحق ہونے کے بعدایس ایس ایل سی کا امتحان دے رہی اس کی بیٹی کو امتحان سے باز رکھتے ہوئے ہوم کوارنٹین کیا گیا ہے۔

بھٹکل ٹاؤن، ہیبلے پنچایت اور جالی پنچایت علاقوں میں لاگو رہے گارات کا کرفیو۔سیل ڈاؤن کیے جارہے ہیں ’ہاٹ اسپاٹس‘

بھٹکل تعلقہ میں کورونا وباء کی بدلتی صورتحال پر قابو پانے کے لئے ضلع انتظامیہ نے لاک ڈاؤن قوانین میں دوبارہ کچھ سختی برتنے کافیصلہ کیا ہے۔اسی کے تحت جمعہ کے دن شام میں منعقدہ ایک پریس کانفرنس سے خطاب کرتے ہوئے اسسٹنٹ کمشنر بھرت ایس نے عوام کے لئے جو ہدایات جاری کیں اس کے مطابق ...

بھٹکل سے 200 سے زائد تھوک کے نمونے جانچ کے لئے روانہ؛ 16 کی رپورٹ پوزیٹیو آنے کی خبر

حال ہی میں بھٹکل میں   کورونا کے  جو تازہ معاملات سامنے آئے ہیں، اُس  میں مزید اضافہ کا خدشہ ظاہر کیا جارہا ہے۔ ذرائع سے ملی اطلاع کے مطابق  اب تک 184 لوگوں کے نمونے جانچ کے لئے روانہ کئے گئے ہیں جس میں سے بعض کی رپورٹ آچکی ہیں، اور بعض کی رپورٹس شام تک    آنے کی توقع ہے۔