گلبرگہ،17؍ستمبر(ایس او نیوز؍حکیم شاکر) موضع سنگاپور، تعلقہ چنچولی ضلع گلبرگہ میں کرناٹک تیلنگانہ سرحدکے قریب پولیس نے ایک گانجہ فروش کو گرفتار کرکے اس کے قبضہ سے 1.2لاکھ روپیوں کے گانجہ کے پودے ضبط کرلئے گئے۔ پولس نے چندر کانت کے ایک زرعی کھیت پر دھاوا بول کر اسے گرفتار کرلیا۔ کونچاورم پولیس اسٹیشن میں معاملہ درج کرلیا گیا ہے۔ دوسرے معاملہ میں بیدر پولیس نے گھوڑ واڑ گاؤں، تعلقہ ہمنا آباد سے ایک گانجہ فروش کو گرفتار کرلیا اور اس کے قبضہ سے 35,000 روپیوں کی مالیت کا 3.5کیلو گانجہ ضبط کرلیا۔ گرفتار شدہ شخص کی شناخت محمد غوث بونگے کیحیثیت  سے کی گئی ہے۔ پولیس نے اسے گانجہ فروخت کرتے ہوئے گرفتار کیا ہے۔ اس شخص کے قبضہ سے 4,900روپئے بھی برا اامد کرکے ضب کرلئے گئے ہیں۔ ہمنا آباد پولیس اسٹیشن میں معمالہ درج کرلیا گیا ہے۔